ഓട്ടോ എക്സ്പോ 2020 ൽ ഫോക്സ്‌വാഗൺ ടി-റോക്ക് പ്രദർശിപ്പിച്ചു.

ജീപ് കോംപസിനും വരാനിരിക്കുന്ന സ്കോഡ കരോക്കിനും എതിരാളി

• ടി-റോക്കിന്റെ റോഡ് ടെസ്റ്റിംഗ് ചിത്രങ്ങൾ പുറത്ത് വന്നിരുന്നു.

• 1.5 ലിറ്റർ പെട്രോൾ എൻജിൻ ആണിതിന്. 150PS/250Nm ശക്തി പ്രദാനം ചെയ്യുന്ന എൻജിൻ.

• LED ഹെഡ്‍ലാമ്പുകൾ, ഡേ ടൈം റണ്ണിംഗ് ലാമ്പുകൾ, 6 എയർ ബാഗുകൾ വരെ ഘടിപ്പിക്കാനുള്ള സൗകര്യം, ഓട്ടോ എ.സി എന്നിവ ഫീച്ചറുകളാണ്.

• CBU അഥവാ പൂർണമായും പുറത്ത് നിർമിച്ച യൂണിറ്റുകളായി ഇറക്കുമതി ചെയ്ത് വിൽക്കുന്ന ഈ കാറിന് 20 ലക്ഷം രൂപയ്ക്ക് അടുത്ത് വില പ്രതീക്ഷിക്കാം.

ടൈഗുൻ എന്ന കോംപാക്ട് എസ്.യു.വി ക്ക് ശേഷം, ഫോക്സ്‌വാഗൺ ഇന്ത്യൻ വിപണിക്കായി ഒരു വലിയ എസ്.യു.വി കൂടി കൊണ്ട് വന്നിരിക്കുന്നു. ഓട്ടോ എക്സ്പോയിലാണ് ടി-റോക്ക് എന്ന ഈ വമ്പൻ കാർ പ്രദർശിപ്പിച്ചിരിക്കുന്നത്‌. ഈ കാറിനായുള്ള ബുക്കിങ് ആരംഭിച്ചതായും ഫോക്സ്‌വാഗൺ അറിയിച്ചു.

1.5 ലിറ്റർ TSI ഇവോ എൻജിനിൽ 7 സ്പീഡ് DSG ട്രാൻസ്മിഷൻ ആണ് നൽകിയിരിക്കുന്നത്. മുൻ വശത്തെ വീലുകളിലേക്ക് ഈ എൻജിൻ ശക്തി പകരും. 150PS പവറും 200Nm ടോർക്കും നൽകുന്ന എൻജിനാണിത്. ഫോക്സ് വാഗണിന്റെ 4 മോഷൻ ഓൾ-വീൽ-ഡ്രൈവ് സംവിധാനം തൽക്കാലം ഇന്ത്യയിൽ ഇറക്കുന്ന ടി-റോക്കിൽ കമ്പനി നൽകില്ല.

ഇതും വായിക്കൂ: ഓട്ടോ എക്സ്പോ 2020ൽ ഫോക്‌സ് വാഗൺ ടിഗുവൻ ആൾ സ്പേസ് പ്രദർശിപ്പിച്ചു.

ഫീച്ചറുകൾ നോക്കിയാൽ 8 ഇഞ്ച് ടച്ച്‌ സ്ക്രീൻ ഇൻഫോടെയ്ൻമെൻറ് സിസ്റ്റം, ഓട്ടോ എ.സി, ലെതെരെറ്റ് അപ്ഹോൾസ്റ്ററി, കീലെസ് എൻട്രി എന്നിവ ഈ എസ്.യു.വിയിൽ നൽകിയിട്ടുണ്ട്‌. 6 എയർ ബാഗുകൾ വരെ ഘടിപ്പിക്കാനുള്ള സൗകര്യം, ഡ്യുവൽ ഫ്രണ്ട് എയർ ബാഗുകൾ, റിയർ പാർക്കിംഗ് സെൻസറുകൾ, എ.ബി.എസ് വിത്ത്‌ ഇ.ബി.ഡി എന്നീ സുരക്ഷ ക്രമീകരണങ്ങൾ നൽകിയിട്ടുണ്ട്.

പൂർണമായും പുറത്ത് നിർമിച്ച യൂണിറ്റുകൾ(CBU) ആയാണ് ഫോക്സ്‌വാഗൺ ടി-റോക്ക് ഇന്ത്യയിൽ എത്തിക്കുന്നത്. 18 ലക്ഷം എക്സ് ഷോറൂം വില പ്രതീക്ഷിക്കുന്നു. ജീപ് കോംപസ്, ഉടൻ വിപണിയിൽ എത്തുന്ന സ്കോഡ കറോക് എന്നീ കാറുകൾക്ക് എതിരാളിയാകും ഈ ടി-റോക്ക്. ഏപ്രിൽ, 2020ൽ ഈ കാർ ലോഞ്ച് ചെയ്യും.