നിങ്ങൾക്കിപ്പോൾ 2023 Tata Nexonഉം Nexon EVഉം പരിശോധിക്കാം ഡീലർഷിപ്പുകളിൽ!
published on sep 13, 2023 08:32 pm by ansh for ടാടാ നെക്സൺ
- 11 Views
- ഒരു അഭിപ്രായം എഴുതുക
ടാറ്റ ICE, EV മോഡലുകളുടെ വില സെപ്റ്റംബർ 14-ന് പ്രഖ്യാപിക്കും
-
നെക്സോൺ EV അതിന്റെ ടോപ്പ്-സ്പെക് എംപവേർഡ് വേരിയന്റിൽ പ്രദർശിപ്പിച്ചിരിക്കുന്നു.
-
ICE നെക്സോൺ ടോപ്പ് സ്പെക് ഫിയർലെസ് പേർസൊണയിൽ ഡീലർഷിപ്പുകളിൽ എത്തിയിരിക്കുന്നു.
-
രണ്ട് മോഡലുകളും എക്സ്റ്റീരിയറിലും ഇന്റീരിയറിലും സൂക്ഷ്മമായ മാറ്റങ്ങൾ സഹിതം സമാനമായി കാണുന്നു.
-
നെക്സോണിന് 8 ലക്ഷം രൂപ മുതലും (എക്സ്ഷോറൂം) നെക്സോൺ EV-ക്ക് 15 ലക്ഷം രൂപ മുതലുമാണ് (എക്സ്ഷോറൂം) വില പ്രതീക്ഷിക്കുന്നത്.
ടാറ്റ നെക്സോൺ ഫെയ്|സ്|ലിഫ്റ്റ്, നെക്സോൺ EV ഫെയ്|സ്|ലിഫ്റ്റ് എന്നിവ കാർ നിർമാതാക്കൾ പുറത്തുവിട്ടു, രണ്ടിനും ബുക്കിംഗ് തുടങ്ങിയിരിക്കുന്നു. സെപ്റ്റംബർ 14-ന് ടാറ്റ വില പ്രഖ്യാപിക്കും, പക്ഷേ ലോഞ്ചിന് മുന്നോടിയായി ഡീലർഷിപ്പുകളിൽ എത്തിയതിനാൽ നിങ്ങൾക്ക് ഇപ്പോൾ ഈ കാറുകൾ നേരിട്ട് പരിശോധിക്കാവുന്നതാണഅ.
ഡിസൈൻ വ്യത്യാസങ്ങൾ
ദൂരെ നിന്ന്, ICE, EV Nexon എന്നിവയെ വേർതിരിച്ചറിയാൻ എളുപ്പമല്ല. എന്നാൽ അടുത്ത്, വ്യത്യാസങ്ങൾ കൂടുതൽ പ്രാധാന്യമർഹിക്കുന്നു. കണക്റ്റുചെയ്‌ത എൽഇഡി ഡിആർഎൽ സജ്ജീകരണം, ക്ലോസ്-ഓഫ് ഗ്രില്ലും ബമ്പറിലും ഹെഡ്‌ലാമ്പ് ഹൗസിംഗിലും ലംബ പാറ്റേണുകളും ഇവിക്ക് ലഭിക്കുന്നു. ബൂട്ട്ലിഡിലെ "Nexon", "Nexon.ev" എന്നീ ബാഡ്ജുകൾ ഒഴികെ വശവും പിൻഭാഗവും ഒരുപോലെയാണ്.
അകത്ത്, 2023 നെക്സോൺ EV-യുടെ ടോപ്പ് വേരിയന്റിൽ വലിയ 12.3 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, ഇലക്ട്രോണിക് പാർക്കിംഗ് ബ്രേക്ക്, വെന്റിലേറ്റഡ് ഫ്രണ്ട് സീറ്റുകൾ എന്നിവ ലഭിക്കും. ഇവിടെ കാണുന്ന നെക്സോണിൽ 10.25 ഇഞ്ച് ടച്ച്സ്ക്രീൻ യൂണിറ്റ് ലഭിക്കുന്നു, ടോപ്പ്-സ്പെക് പതിപ്പിൽ അല്ലാത്തതിനാൽ വെന്റിലേറ്റഡ് മുൻ സീറ്റുകൾ ഇതിലില്ല. ഇതി ൽ മാനുവൽ ട്രാൻസ്മിഷനും ലഭിക്കുന്നു, അതിനാൽ ഓട്ടോമാറ്റിക് വേരിയന്റുകളിൽ വാഗ്ദാനം ചെയ്യുന്ന പാഡിൽ ഷിഫ്റ്ററുകൾ ഇല്ലാതാകുന്നു.
ഫീച്ചറുകൾ
ഈ രണ്ട് മോഡലുകളുടെയും ഫീച്ചർ ലിസ്റ്റ് ഏറെക്കുറെ സമാനമാണ്. ഈ രണ്ട് യൂണിറ്റുകൾക്കിടയിൽ, 10.25 ഇഞ്ച് ഡിജിറ്റൽ ഡ്രൈവർ ഡിസ്പ്ലേ, സീക്വൻഷ്യൽ ടേൺ ഇൻഡിക്കേറ്ററുകൾ, ടച്ച് പ്രാപ്തമാക്കിയ AC പാനൽ, വയർലെസ് ഫോൺ ചാർജർ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയാണ് പൊതുവായ ഫീച്ചറുകൾ.
ഇതും വായിക്കുക: 10 ചിത്രങ്ങളിൽ ടാറ്റ നെക്സോൺ ഫെയ്സ്ലിഫ്റ്റിന്റെ എക്സ്റ്റീരിയർ വിശദമായി പരിശോധിക്കൂ
സുരക്ഷയുടെ കാര്യത്തിൽ രണ്ടിലും ആറ് എയർബാഗുകൾ സ്റ്റാൻഡേർഡായി ലഭിക്കും, കൂടാതെ ABS വിത്ത് EBD, ഇലക്ട്രോണിക് സ്റ്റെബിലിറ്റി പ്രോഗ്രാം (ESP), ടയർ പ്രഷർ മോണിറ്ററിംഗ് സിസ്റ്റം (TPMS), റെയിൻ സെൻസിംഗ് വൈപ്പറുകൾ, റിയർവ്യൂ ക്യാമറ, ബ്ലൈൻഡ് വ്യൂ മോണിറ്ററുള്ള 360 ഡിഗ്രി ക്യാമറ എന്നിവയും ലഭിക്കും.
വ്യത്യസ്ത പവർട്രെയിനുകൾ
ICE നെക്സോണിൽ രണ്ട് എഞ്ചിൻ ഓപ്ഷനുകൾ ലഭിക്കുന്നു: 6 സ്പീഡ് മാനുവൽ അല്ലെങ്കിൽ 6 സ്പീഡ് AMT-യുമായി ചേർത്ത 1.5 ലിറ്റർ ഡീസൽ എഞ്ചിൻ (115PS/260Nm), നാല് ട്രാൻസ്മിഷൻ ഓപ്ഷനുകൾ ലഭിക്കുന്ന 1.2 ലിറ്റർ ടർബോ പെട്രോൾ എഞ്ചിൻ (120PS/170Nm): 5-സ്പീഡ് മാനുവൽ, 6-സ്പീഡ് മാനുവൽ, 6-സ്പീഡ് AMT, 7-സ്പീഡ് DCT.
ഇതും വായിക്കുക: കാണുക: നെക്സോൺ EV ഫെയ്സ്ലിഫ്റ്റിന്റെ ബാക്ക്ലിറ്റ് സ്റ്റിയറിംഗ് വീലിൽ ടാറ്റ ഒരു എയർബാഗ് എങ്ങനെയാണ് ഫിറ്റ് ചെയ്യുന്നത്
നെക്സോൺ EV ഫെയ്സ്ലിഫ്റ്റിൽ യഥാക്രമം 129PS/215Nm, 145PS/215Nm ഉൽപ്പാദിപ്പിക്കുന്ന ഇലക്ട്രിക് മോട്ടോറുമായി ചേർത്ത രണ്ട് ബാറ്ററി പായ്ക്കുകൾ – 30kWh, 40.5kWh – ലഭിക്കും. ചെറിയ ബാറ്ററി പാക്ക് മെച്ചപ്പെട്ട 325km റേഞ്ച് ആണ് അവകാശപ്പെടുന്നത്, വലുതിൽ 465km അവകാശപ്പെടുന്നു. DC ഫാസ്റ്റ് ചാർജർ ഉപയോഗിച്ച് 56 മിനിറ്റിനുള്ളിൽ ഈ രണ്ട് ബാറ്ററി പായ്ക്കുകളും 10 മുതൽ 100 ശതമാനം വരെ ചാർജ് ചെയ്യാൻ കഴിയും.
വിലയും എതിരാളികളും
ഫെയ്സ്ലിഫ്റ്റഡ് നെക്സോൺ, നെക്സോൺ EV എന്നിവ സെപ്റ്റംബർ 14-ന് ടാറ്റ ലോഞ്ച് ചെയ്യും, അവയ്ക്ക് യഥാക്രമം 8 ലക്ഷം രൂപയും 15 ലക്ഷം രൂപയും (എക്സ് ഷോറൂം) മുതൽ തുടങ്ങുന്ന വില പ്രതീക്ഷിക്കുന്നു. കിയ സോണറ്റ്, ഹ്യുണ്ടായ് വെന്യു, മാരുതി ബ്രെസ്സ, മഹീന്ദ്ര XUV300 എന്നിവയുമായി ICE നെക്സോൺ മത്സരിക്കുന്നത് തുടരും, കൂടാതെ മഹീന്ദ്ര XUV400-മായി നെക്സോൺ EV മത്സരിക്കുന്നതും തുടരും.
കൂടുതൽ വായിക്കുക: നെക്സോൺ AMT
0 out of 0 found this helpful
