2024ൽ ഈ 5 Mahindra SUVകൾ വിപണിയിലെത്തുമെന്ന് സൂചന!

2024 ൽ ഥാർ 5-ഡോർ, XUV.e8 എന്നിവയുൾപ്പെടെ ഏറെ പ്രതീക്ഷയോടെ കാത്തിരിക്കുന്ന മഹീന്ദ്ര SUV-കൾ വിപണിയിലെത്തും

2023  ൽ മഹീന്ദ്ര XUV400 EV എന്ന ഒരു പുതിയ SUV പുറത്തിറക്കി. ഇതിനകം ജനപ്രിയ മോഡലുകളായ എക്സ് യുവി 700, സ്കോർപിയോ N എന്നിവയ്ക്കുള്ള ഓർഡറുകളുടെ ബാക്ക്ലോഗ് പരിഹരിക്കുന്നതിനായി SUV-കളുടെ ഉൽപാദനശേഷി വർദ്ധിപ്പിക്കുന്നതിലായിരുന്നു വർഷത്തിലുടനീളം  ഇന്ത്യൻ വാഹന നിർമാതാക്കളുടെ  പ്രാഥമിക ശ്രദ്ധ. ഇപ്പോൾ, 2024 ൽ, ഫെയ്സ്ലിഫ്റ്റുകളും INGLO പ്ലാറ്റ്ഫോമിനെ അടിസ്ഥാനമാക്കിയുള്ള ആദ്യത്തെ പുതിയ EV-യും ഉൾപ്പെടെ 5 പുതിയ SUV-കൾ അവതരിപ്പിക്കാൻ മഹീന്ദ്ര ഒരുങ്ങുന്നു. 2024 ൽ വിപണിയിലെത്താൻ ഒരുങ്ങുന്ന പുതിയ മഹീന്ദ്ര SUV-കൾ ഏതൊക്കെയാണെന്ന് നമുക്ക് നോക്കാം.

മഹീന്ദ്ര ഥാർ 5-ഡോർ

പ്രതീക്ഷിക്കുന്ന ലോഞ്ച്: 2024 ന്റെ രണ്ടാം പകുതിയോടെ

പ്രതീക്ഷിക്കുന്ന വില: 15 ലക്ഷം രൂപ മുതൽ

മഹീന്ദ്ര ഥാർ 5-ഡോർ 2024 ൽ ഏറ്റവും പ്രതീക്ഷയോടെ കാത്തിരിക്കുന്ന ലോഞ്ചുകളിൽ ഒന്നാണ്. സൺറൂഫുള്ള ഫിക്സഡ് മെറ്റൽ റൂഫ്, LED ലൈറ്റിംഗ് സജ്ജീകരണം തുടങ്ങി നിരവധി വിശദാംശങ്ങൾ വെളിപ്പെടുത്തുന്ന SUV-യുടെ ടെസ്റ്റ് മ്യൂൾ ഒന്നിലധികം തവണ കണ്ടെത്തിയിട്ടുണ്ട്. 2 ലിറ്റർ ടർബോ-പെട്രോൾ എഞ്ചിൻ, 2.2 ലിറ്റർ ഡീസൽ എഞ്ചിൻ എന്നിവയുൾപ്പെടെ 3 ഡോർ പതിപ്പിന്റെ അതേ എഞ്ചിൻ ഓപ്ഷനുകൾ മഹീന്ദ്രയുടെ നീളമേറിയ ഥാറിൽ അവതരിപ്പിക്കും. മാനുവൽ, ഓട്ടോമാറ്റിക് ഗിയർബോക്സുകൾ രണ്ട് എഞ്ചിനുകൾക്കും ലഭ്യമാകും. റിയർ വീൽ ഡ്രൈവ് (RWD), ഫോർ വീൽ ഡ്രൈവ് (4WD) കോൺഫിഗറേഷനുകളിൽ മഹീന്ദ്ര SUV ലഭ്യമാകും.

ഇതും പരിശോധിക്കുക: 2024-ൽ 7 പുതിയ ടാറ്റ കാറുകൾ ലോഞ്ച് ചെയ്യുമെന്ന് സ്ഥിരീകരിച്ചു

• കാർദേഖോ വഴി കാർ ലോൺ

• ഡോർസ്റ്റെപ്പ് കാർ സേവനം

മഹീന്ദ്ര XUV300 ഫെയ്സ്ലിഫ്റ്റ്

പ്രതീക്ഷിക്കുന്ന ലോഞ്ച്: മാർച്ച് 2024

പ്രതീക്ഷിക്കുന്ന വില: 9 ലക്ഷം രൂപ മുതൽ

മഹീന്ദ്ര XUV300 സബ്-4m SUV-യാണ് വളരെക്കാലമായി ശ്രദ്ധേയമായ അപ്ഡേറ്റിനായി കാത്തിരിക്കുന്ന ഒരു മഹീന്ദ്ര. പുതുക്കിയ സബ് കോംപാക്റ്റ് മഹീന്ദ്ര ഓഫറിൽ പുതിയ LED DRLS, ഹെഡ്ലൈറ്റുകൾ, പുതിയ അലോയ് വീലുകൾ, കണക്റ്റുചെയ്ത LED ടെയിൽ ലാമ്പ് സജ്ജീകരണം എന്നിവ ഉൾപ്പെടുന്നു.

ഫെയ് സ് ലിഫ്റ്റ് ഫെയ്‌സ്‌ലിഫ്റ്റഡ് മഹീന്ദ്ര XUV300 ന്റെ ക്യാബിനിൽ ഫ്ലോട്ടിംഗ് ടച്ച് സ് ക്രീൻ സംവിധാനവും ലഭിക്കുമെന്ന് പ്രതീക്ഷിക്കുന്നു. സെഗ്മെന്റ് എതിരാളികളായ ഹ്യുണ്ടായി വെന്യു, കിയ സോനെറ്റ് എന്നിവയുടെ ഒപ്പമെത്താൻ ഇത് ADAS വാഗ്ദാനം ചെയ്തേക്കാം. രണ്ട് ടർബോ-പെട്രോൾ എഞ്ചിനുകൾ - 1.2 ലിറ്റർ MPFi (മൾട്ടി-പോയിന്റ് ഫ്യുവൽ ഇഞ്ചക്ഷൻ), 1.2 ലിറ്റർ T-GDi (ഗ്യാസോലിൻ ഡയറക്ട് ഇഞ്ചക്ഷൻ), 1.5 ലിറ്റർ ഡീസൽ എഞ്ചിൻ എന്നിവയുൾപ്പെടെ SUV-യുടെ നിലവിലെ പതിപ്പിൽ ഉപയോഗിക്കുന്ന അതേ പവർട്രെയിൻ ഓപ്ഷനുകൾ മഹീന്ദ്ര നിലനിർത്തും.

മഹീന്ദ്ര XUV400 EV ഫെയ്സ്ലിഫ്റ്റ്

പ്രതീക്ഷിക്കുന്ന ലോഞ്ച്: എപ്രിൽ 2024

പ്രതീക്ഷിക്കുന്ന വില: 16 ലക്ഷം രൂപ

മഹീന്ദ്ര XUV400 EV അതിന്റെ ഇന്റെർണൽ കമ്പസ്റ്റൻ  എഞ്ചിൻ (ICE) എതിരാളിയായ XUV300 ന് വരുത്തിയ അപ്ഡേറ്റുകൾ പ്രതിഫലിപ്പിക്കുന്ന ഫെയ്സ്ലിഫ്റ്റിന് വിധേയമാകും. പുനർരൂപകൽപ്പന ചെയ്ത ഫ്രണ്ട് ഫാസിയ, അപ്ഡേറ്റുചെയ്ത അലോയ് വീലുകൾ, കൂടുതൽ ക്യാബിൻ സുഖസൗകര്യങ്ങൾ എന്നിവ ഇലക്ട്രിക് SUV പ്രദർശിപ്പിക്കുമെന്ന് പ്രതീക്ഷിക്കുന്നു. ഫെയ്സ്ലിഫ്റ്റഡ്  XUV400 EV അതേ ബാറ്ററി പായ്ക്ക് ഓപ്ഷനുകൾ നിലനിർത്താൻ സാധ്യതയുണ്ട് - 34.5 kWh, 39.4 kWh - ഇത് മെച്ചപ്പെട്ട ഡ്രൈവിംഗ് ശ്രേണിയുമായി വന്നേക്കാം.

ഇതും പരിശോധിക്കുക: ടാറ്റ ഹാരിയറിനും സഫാരിക്കും  മെയ്ഡൻ ഭാരത് NCAP ഔട്ടിംഗിൽ 5 സ്റ്റാർ റേറ്റിംഗ് ലഭിച്ചു  

മഹീന്ദ്ര XUV.e8

പ്രതീക്ഷിക്കുന്ന ലോഞ്ച്: ഡിസംബർ 2024

പ്രതീക്ഷിക്കുന്ന വില: 35 ലക്ഷം രൂപ മുതൽ

2024 ൽ വിപണിയിലെത്താൻ പോകുന്ന മറ്റൊരു പുതിയ ഇലക്ട്രിക് SUV-യാണ് മഹീന്ദ്ര XUV.e8. 2022 ൽ പ്രീ-പ്രൊഡക്ഷൻ കൺസെപ്റ്റ് രൂപത്തിൽ പ്രദർശിപ്പിച്ച മഹീന്ദ്ര XUV700 ന്റെ ഓൾ-ഇലക്ട്രിക് വേരിയന്റാണിത്. മഹീന്ദ്രയുടെ INGLO പ്ലാറ്റ്‌ഫോമിലാണ് ഈ ഇലക്ട്രിക് SUV നിർമ്മിച്ചിരിക്കുന്നത്, 60 kWh, 80 kWh ബാറ്ററി കപ്പാസിറ്റികൾ ഉൾക്കൊള്ളാൻ രൂപകൽപ്പന ചെയ്തിരിക്കുന്നത് 175 kW വരെ ഫാസ്റ്റ് ചാർജിംഗ് കഴിവുകൾ ഉൾക്കൊള്ളുന്നു. വലിയ ബാറ്ററി 450 km വരെ WLTP- സാക്ഷ്യപ്പെടുത്തിയ റേഞ്ച് അവകാശപ്പെടുന്നു.

റിയർ-വീൽ-ഡ്രൈവ് (RWD), ഓൾ-വീൽ-ഡ്രൈവ് (AWD) ഓപ്ഷനുകൾക്കൊപ്പം ഇത് ഓഫർ ചെയ്യും, അതേസമയം ഇലക്ട്രിക് പവർട്രെയിനുകൾക്ക് RWD മോഡലുകൾക്ക് 285 PS വരെയും AWD മോഡലുകളിൽ 394 PS വരെയും വാഗ്ദാനം ചെയ്യാൻ കഴിയും.
മഹീന്ദ്ര ബൊലേറോ നിയോ പ്ലസ്

പ്രതീക്ഷിക്കുന്ന ലോഞ്ച്: ജനുവരി 2024

പ്രതീക്ഷിക്കുന്ന വില: 10 ലക്ഷം രൂപ മുതൽ

9 പേർക്ക് വരെ സീറ്റിംഗ്  നൽകുന്ന 'പ്ലസ്' എന്ന ഒടുവിലത്തെ വിശേഷണപദത്തോടെ ബൊലേറോ നിയോയുടെ വിപുലീകരിച്ച പതിപ്പ് പുറത്തിറക്കാൻ മഹീന്ദ്ര ഒരുങ്ങുന്നു. ബൊലേറോ നിയോ പ്ലസ്, ബൊലേറോ നിയോയുടെ അതേ രൂപം പങ്കിട്ടുകൊണ്ട് മുമ്പ് ലഭ്യമായ TUV300 പ്ലസ് ഒരു പുതിയ പേരിൽ തിരികെ കൊണ്ടുവരും. 6-സ്പീഡ് മാനുവൽ ട്രാൻസ്മിഷനുമായി പെയർ ചെയ്ത 130 PS ഉം 300 Nm ഉം ഉത്പാദിപ്പിക്കുന്ന 2.2 ലിറ്റർ ഡീസൽ എഞ്ചിൻ ഇതിൽ സജ്ജീകരിക്കുമെന്ന് പ്രതീക്ഷിക്കുന്നു.
മഹീന്ദ്ര സ്കോർപിയോ N ന് താങ്ങാനാവുന്ന വിലയിൽ ലഭ്യമാകുന്ന ബദലായിരിക്കും ബൊലേറോ നിയോ പ്ലസ്.

2024-ൽ മഹീന്ദ്ര പുറത്തിറക്കുമെന്ന് പ്രതീക്ഷിക്കുന്ന 5 SUV-കൾ ഇവയാണ്. ഥാറിന്റെ ഇലക്ട്രിക് പതിപ്പ് ഉൾപ്പെടെ വരും വർഷങ്ങളിൽ XUV, BE ബ്രാൻഡുകൾക്ക് കീഴിൽ കൂടുതൽ ഇലക്ട്രിക് വാഹനങ്ങൾ അവതരിപ്പിക്കാൻ ഇന്ത്യൻ വാഹന നിർമ്മാതാക്കൾ പദ്ധതിയിടുന്നു. ഏത് cSUV-ക്കാണ് നിങ്ങൾ ആകാംക്ഷയോടെ കാത്തിരിക്കുന്നത്? ചുവടെയുള്ള കമെന്റ്സ് വിഭാഗത്തിൽ നിങ്ങളുടെ അഭിപ്രായങ്ങൾ പങ്കിടുക.

കൂടുതൽ വായിക്കുക: XUV400 EV ഓട്ടോമാറ്റിക്