മാരുതി എസ്-പ്രസ്സോ

പുതിയ അപ്ഡേറ്റ്:എസ്-പ്രെസ്സോയുടെ CNG വേരിയന്റ് ടെസ്റ്റിംഗ് നടക്കുന്നതായി വാർത്ത വന്നിരുന്നു. 

വിലയും വേരിയന്റുകളും: എസ്-പ്രെസ്സോയ്ക്ക് 3.69 ലക്ഷം മുതൽ 4.19 ലക്ഷം വരെയാണ്, മാരുതി നിശ്ചയിച്ചിരിക്കുന്ന വില(ഡൽഹി എക്സ് ഷോറൂം വില). നാല് തരത്തിൽ ലഭ്യമാണ്: സ്റ്റാൻഡേർഡ്,എൽ എക്സ് ഐ,വി എക്സ് ഐ,വി എക്സ് ഐ പ്ലസ്. AMT വേരിയന്റുകൾ  മോഡലുകളിൽ ലഭ്യമാണ്. അപ്പോൾ മൊത്തം വേരിയന്റുകളുടെ എണ്ണം 6 ആകും. ടോപ് മോഡലായ വി എക്സ് ഐ ഒഴിച്ച് ഓരോ ട്രിമ്മിലും ഒരു ഓപ്ഷണൽ മോഡൽ കൂടി നൽകിയിട്ടുണ്ട്. കൂടുതൽ സുരക്ഷ സംവിധാനങ്ങൾ നിറഞ്ഞതാണ് ഈ ഓപ്ഷണൽ മോഡലുകൾ. ഇതിൽ എതാണ് നിങ്ങളുടെ ആവശ്യങ്ങൾക്ക് മികച്ചത് എന്നറിയാൻ ഈ ലേഖനം വായിക്കൂ. 

എൻജിനും ട്രാൻസ്മിഷനും: ബി എസ് 6 അനുസൃത 1.0-ലിറ്റർ പെട്രോൾ എൻജിനാണ് എസ്-പ്രെസ്സോയ്ക്ക് നൽകിയിരിക്കുന്നത്. 68PS പവറും 90Nm ടോർക്കും നൽകുന്ന എൻജിനാണിത്. 5-സ്പീഡ് മാനുവൽ അല്ലെങ്കിൽ 5-സ്പീഡ് AMT ഓപ്ഷനുകളിൽ ലഭ്യമാണ്. മാരുതി എസ്[പ്രെസ്സോ സുരക്ഷ സംവിധാനങ്ങൾ: ഡ്രൈവർ സൈഡ് എയർബാഗ്,റിയർ പാർക്കിംഗ് സെൻസറുകൾ,എബിഎസ് വിത്ത് ഇബിഡി,സ്പീഡ് അലേർട്ട്,ഫ്രന്റ് സീറ്റ് ബെൽറ്റ് റിമൈൻഡർ എന്നിവ സ്റ്റാൻഡേർഡ് ഫീച്ചറുകളാണ്. ടോപ് വേരിയന്റിൽ ഫ്രന്റ് പാസഞ്ചർ എയർബാഗ്,സീറ്റ് ബെൽറ്റ് പ്രെറ്റൻഷനറുകൾ എന്നിവ നൽകിയിട്ടുണ്ട്. മറ്റ് വേരിയന്റുകളിൽ ഇവ ഓപ്ഷണൽ ആണ്. 

ഫീച്ചറുകൾ: ഒരു കൂട്ടം ഫീച്ചറുകൾ തന്നെയുണ്ട് എസ്-പ്രെസ്സോയിൽ. ഡിജിറ്റൽ ഇൻസ്ട്രുമെന്റ് ക്ലസ്റ്റർ,7-ഇഞ്ച് ടച്ച്സ്ക്രീൻ ഇൻഫോടെയ്ൻമെൻറ് സിസ്റ്റം(ആപ്പിൾ കാർ പ്ലേ,ആൻഡ്രോയിഡ് ഓട്ടോ സഹിതം),ഫ്രന്റ് പവർ വിൻഡോകൾ, അകത്ത് നിന്ന് അഡ്ജസ്റ്റ് ചെയ്യാവുന്നORVM എന്നിവയും നൽകിയിരിക്കുന്നു.

എതിരാളികൾ: മാരുതി എസ്-പ്രെസ്സോ മിനി ക്രോസ്-ഹാച്ച് മോഡലിന്റെ സ്ഥാനം ആൾട്ടോ കെ10ന് മുകളിലാണ്. റെനോ ക്വിഡ് പ്രധാന എതിരാളിയാണ്. വിലനിലവാരം നോക്കിയാൽ ഡാറ്റ്‌സൺ റെഡി-ഗോ,ഗോ,മാരുതി വാഗൺ ആർ,ഹ്യൂണ്ടായ് സാൻട്രോ എന്നിവയാണ് മറ്റ് എതിരാളികൾ.