ഇന്ത്യയിലെ ഏറ്റവും വിലയുള്ള ഹ്യുണ്ടായിയുടെ വിലകൾ പുറത്ത്!

പ്രീമിയം ഇലക്ട്രിക് ക്രോസ്ഓവർ 631 കിലോമീറ്റർ റേഞ്ച് അവകാശപ്പെടുന്നു

• 44.95 ലക്ഷം രൂപയ്ക്ക് പൂർണ്ണമായി ലോഡ് ചെയ്‌ത ഒരൊറ്റ വേരിയന്റിൽ ലഭ്യമാണ്.

• 72.6kWh ബാറ്ററി പാക്കും പിൻ ചക്രങ്ങൾ ഓടിക്കാൻ 217PS/350Nm മോട്ടോറും ഇതിനുണ്ട്.

• ഒരു 350kW ചാർജർ 18 മിനിറ്റിനുള്ളിൽ ബാറ്ററി 80 ശതമാനം വരെയാക്കുന്നു; 50kW ചാർജർ ഇതിന് ഒരു മണിക്കൂർ എടുക്കും.

• 12.3 ഇഞ്ച് ടച്ച്‌സ്‌ക്രീൻ സിസ്റ്റം, ഓട്ടോ ഫ്ലഷ് ഡോർ ഹാൻഡിലുകൾ, പവർഡ് ഫ്രണ്ട്, റിയർ സീറ്റുകൾ, ADAS എന്നിവയും ഇതിൽ നൽകിയിട്ടുണ്ട്.

• കിയ EV6, വോൾവോ XC40 റീചാർജ്, വരാനിരിക്കുന്ന സ്കോഡ എന്യാക്വ് iV എന്നിവയ്ക്ക് എതിരാളിയാകുന്നു.

ഹ്യുണ്ടായ് അയോണിക്വ് 5 -ന്റെ വിലകൾഓട്ടോ എക്സ്പോ 2023-ൽ വെച്ച് വെളിപ്പെടുത്തി. രാജ്യത്തെ കാർ നിർമാതാക്കളുടെ രണ്ടാമത്തെ ഇലക്ട്രിക് മോഡലിന് 44.95 ലക്ഷം രൂപയാണ് വില, ഇത് ഒരൊറ്റ വേരിയന്റിൽ മാത്രമാണ് ലഭ്യമാകുന്നത്. ഓൺലൈൻ വഴിയും ഓഫ്‌ലൈൻ വഴിയും 1 ലക്ഷം രൂപക്ക് ബുക്കിംഗ് നടക്കുന്നു.

ARAI അവകാശപ്പെടുന്ന 631 കിലോമീറ്റർ റേഞ്ചോടുകൂടിയ 72.6kWh ബാറ്ററി പാക്കാണ് അയോണിക്വ് 5-ന് ലഭിക്കുന്നത്. ഇതിന്റെ സിംഗിൾ ഇലക്ട്രിക് മോട്ടോർ പിൻ ചക്രങ്ങളെ ഓടിക്കുന്നു, 217PS വരെ കരുത്തും 350Nm പ്രകടനവും നൽകുന്നു. ഇലക്ട്രിക് ക്രോസ്ഓവർ 350kW വരെയുള്ള ഫാസ്റ്റ് ചാർജിംഗ് പിന്തുണയ്ക്കുന്നു, ഇത് വെറും 18 മിനിറ്റിനുള്ളിൽ 80 ശതമാനം വരെ ചാർജ് നിറക്കാൻ കഴിയും, അതേസമയം 150kW ചാർജർ ഇതിന് 21 മിനിറ്റ് എടുക്കും. 50kW ഫാസ്റ്റ് ചാർജറിന് ഒരു മണിക്കൂറിനുള്ളിൽ ഇത് ചെയ്യാൻ കഴിയും, അതേസമയം 11kW ഹോം ചാർജർ ഏഴ് മണിക്കൂറിനുള്ളിൽ ഇത് പൂർണ്ണമായി ചാർജ് ചെയ്യും എന്നതാണ് ഇന്ത്യയിൽ ഇത് വാങ്ങുന്നവർക്ക് കൂടുതൽ സഹായകമാകുന്ന വസ്തുത.

ഫുൾ LED ലൈറ്റിംഗ്, 20 ഇഞ്ച് അലോയ്കൾ, ഓട്ടോ ഫ്ലഷ് ഡോർ ഹാൻഡിലുകൾ, പവർഡ് ആൻഡ് ഹീറ്റഡ് ഫ്രണ്ട്, റിയർ സീറ്റുകൾ, പനോരമിക് സൺറൂഫ്, ടച്ച്‌സ്‌ക്രീൻ ഇൻഫോടെയ്ൻമെന്റും ഡ്രൈവർസ് ഡിസ്‌പ്ലേയും ഉൾക്കൊള്ളുന്ന ഡ്യുവൽ-12.3-ഇഞ്ച് ഡിസ്‌പ്ലേക‌ൾ, ബോസ് 8-സ്പീക്കർ സൗണ്ട് സിസ്റ്റം എന്നീ ഫീച്ചറുകളാൽ സമ്പന്നമായ ക്രോസ്ഓവറാണ് ഹ്യുണ്ടായ് അയോണിക്വ് 5.

ആറ് എയർബാഗുകൾ, ഫ്രണ്ട്, റിയർ പാർക്കിംഗ് സെൻസറുകൾ, ADAS (അഡ്വാൻസ്‌ഡ് ഡ്രൈവർ അസിസ്റ്റൻസ് സിസ്റ്റം) എന്നിവയാൽ സുരക്ഷ നൽകുന്നു, ഇതിൽ ഫോർവേഡ് കൊളിഷൻ മുന്നറിയിപ്പ്, ബ്ലൈൻഡ് സ്പോട്ട് ഡിറ്റക്ഷൻ, ലെയ്ൻ കീപ്പ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, 360-ഡിഗ്രി ക്യാമറ എന്നിവകൂടി ഉൾപ്പെടുന്നു.

ഹ്യുണ്ടായ് അയോണിക്വ് 5 പ്രാദേശികമായി അസംബിൾ ചെയ്തതാണ്, അതിനാൽ ഇതിന് ഒപ്പമുള്ള പൂർണ്ണമായും ഇറക്കുമതി ചെയ്ത കിയ EV6-നെക്കാൾ താങ്ങാനാകുന്ന വിലയാണ്. വോൾവോ XC40 റീചാർജ്, വരാനിരിക്കുന്ന സ്കോഡ എൻയാക്വ് iV എന്നിവയുമായും ഇവ രണ്ടും മത്സരിക്കുന്നു.