ഇന്ത്യയിലെ ആദ്യത്തെ സബ് കോംപാക്റ്റ് CNG SUV-യായ CNG ബ്രെസ്സ മാരുതി പ്രദർശിപ്പിക്കുന്നു

ശുദ്ധമായ ഇന്ധന ബദൽ ലഭിക്കുന്ന ആദ്യത്തെ സബ് കോംപാക്റ്റ് SUV-യാണ് ബ്രെസ്സ

• മാരുതി ബ്രെസ്സ CNG-ക്ക് 88PS/121.5Nm 1.5 ലിറ്റർ പെട്രോൾ-CNG എഞ്ചിൻ ആണുള്ളത്. 

• ഗ്രാൻഡ് വിറ്റാര CNG-ക്ക് സമാനമായി, ഏകദേശം 27 km/kg നൽകുമെന്ന് പ്രതീക്ഷിക്കുന്നു. 

• SUV-യുടെ മിഡ്-സ്പെക്ക് VXI, ZXI വേരിയന്റുകളിൽ CNG പ്രതീക്ഷിക്കുന്നു. 

• അതിന്റെ അനുബന്ധ പെട്രോൾ വേരിയന്റുകളേക്കാൾ ഒരു ലക്ഷത്തോളം കൂടുതൽ ആവശ്യപ്പെടാം. 

മാരുതി സുസുക്കി ബ്രെസ്സ CNG ഓട്ടോ എക്സ്പോ 2023-ൽ വെച്ച് പുറത്തിറക്കി. ഇത് കാർ നിർമാതാക്കളിൽ നിന്നും ഗ്രാൻഡ് വിറ്റാര-നു ശേഷമുള്ള രണ്ടാമത്തെ CNG SUV ആണ്, കൂടാതെ ഓപ്‌ഷൻ ലഭിക്കുന്ന ഈ സെഗ്‌മെന്റിലെ ആദ്യത്തേതുമാണ്. ഇതിന്റെ വിലക ഉടൻ വെളിപ്പെടുത്തുമെന്ന് പ്രതീക്ഷിക്കുന്നു. 

അടുത്തിടെ ലോഞ്ച് ചെയ്ത ഗ്രാൻഡ് വിറ്റാരയിൽ കാണുന്ന അതേ 1.5 ലിറ്റർ പെട്രോൾ-CNG എഞ്ചിൻ തന്നെയാണ് ബ്രെസ്സയിലും ലഭിക്കുന്നത്. CNG-യിൽ പ്രവർത്തിക്കുമ്പോൾ എഞ്ചിൻ 88PS-ഉം 121.5Nm-ഉം നൽകുന്നു, കൂടാതെ അഞ്ച് സ്പീഡ് മാനുവൽ ട്രാൻസ്മിഷനുമായി വരികയും ചെയ്യുന്നു. ഇന്ധനക്ഷമതയുടെ കണക്കുകൾ ഇതുവരെ വെളിപ്പെടുത്തിയിട്ടില്ല, എന്നാൽ ഇത് ഗ്രാൻഡ് വിറ്റാര CNG-ക്ക് സമാനമായ 27 km/kg നൽകുമെന്ന് പ്രതീക്ഷിക്കുന്നു. 

ബ്രെസ്സയുടെ VXI, ZXI വേരിയന്റുകൾക്ക് CNG ഓപ്ഷൻ ലഭിക്കുമെന്ന് ഞങ്ങൾ പ്രതീക്ഷിക്കുന്നു, ഇലക്ട്രിക് സൺറൂഫ്, ക്രൂയിസ് കൺട്രോൾ, എൻജിൻ പുഷ് സ്റ്റാർട്ട്/സ്റ്റോപ്പ്, ഓട്ടോമാറ്റിക് AC, 7 ഇഞ്ച് ടച്ച്‌സ്‌ക്രീൻ സിസ്റ്റം, വയർലെസ് ആൻഡ്രോയ്ഡ് ഓട്ടോ, ആപ്പിൾ കാർപ്ലേ, റിയർ പാർക്കിംഗ് ക്യാമറ, ESP, ഹിൽ ഹോൾഡ് അസിസ്റ്റ് തുടങ്ങിയ ഫീച്ചറുകളോടെയാണ് ഇവ വരുന്നത്. 

മാരുതി ബ്രെസ്സ CNG അതിന്റെ അനുബന്ധ പെട്രോൾ വേരിയന്റുകളേക്കാൾ ഒരു ലക്ഷം കൂടുതൽ നൽകുമെന്നാണ് നമ്മൾ പ്രതീക്ഷിക്കുന്നത്. റഫറൻസിനായി, കോംപാക്റ്റ് SUV-യുടെ വില 7.99 ലക്ഷം മുതൽ 13.96 ലക്ഷം രൂപ വരെയാണ് (എക്സ്-ഷോറൂം). നേരത്തെ പറഞ്ഞതുപോലെ, നിലവിൽ CNG ഓപ്ഷൻ ലഭിക്കുന്ന സബ് കോംപാക്റ്റ് SUV-കളൊന്നുമില്ല. ഇതോടെ ആൾട്ടോ 800, ആൾട്ടോ K10, എസ്-പ്രസ്സോ, ഇക്കോ, വാഗൺ ആർ, സെലേറിയോ, സ്വിഫ്റ്റ്, ഡിസയർ, ബലേനോ, ഗ്രാൻഡ് വിറ്റാര, XL6, എർട്ടിഗ എന്നിവയുൾപ്പെടെ 13 CNG കാറുകൾ മാരുതിക്ക് ഇപ്പോൾ വിൽപ്പനയിലുണ്ട്.

ഇവിടെ കൂടുതൽ വായിക്കുക: ബ്രെസ്സ ഓൺ റോഡ് വില