Mahindra XUV700 vs Tata Safari vs Hyundai Alcazar vs MG Hector Plus: 6 സീറ്റർ SUV വില താരതമ്യം

published on ഫെബ്രുവരി 23, 2024 06:27 pm by shreyash for മഹേന്ദ്ര എക്സ്യുവി700

XUV700, അൽകാസർ, ഹെക്ടർ പ്ലസ് എന്നിവ പെട്രോൾ, ഡീസൽ എഞ്ചിൻ ഓപ്ഷനുകളിൽ വരുമ്പോൾ, ടാറ്റ സഫാരി ഒരു ഡീസൽ SUVയാണ്.

2024 ജനുവരിയിൽ, മഹീന്ദ്ര XUV700-യുടെ MY24 (മോഡൽ വർഷം) ന് അപ്‌ഡേറ്റുകൾ ലഭിച്ചു, അതിലൂടെ പുതിയ സവിശേഷതകൾ മാത്രമല്ല 6-സീറ്റർ വേരിയൻ്റുകളും ലഭിക്കുകയുണ്ടായി. ടാറ്റ സഫാരി, MGഹെക്ടർ പ്ലസ്, ഹ്യുണ്ടായ് അൽകാസർ എന്നിവയുടെ നേരിട്ടുള്ള എതിരാളിയാണ് XUV700, മധ്യ നിരയിൽ ക്യാപ്റ്റൻ സീറ്റുകളുള്ള 6-സീറ്റർ കോൺഫിഗറേഷൻ ഓപ്‌ഷനാണ് ഇത് വാഗ്ദാനം ചെയ്യുന്നത്. സഫാരി, ഹെക്ടർ പ്ലസ്, അൽകാസർ എന്നിവയ്‌ക്കെതിരെ XUV700-ൻ്റെ പുതുതായി അവതരിപ്പിച്ച 6-സീറ്റർ വകഭേദങ്ങൾ വിലയുടെ അടിസ്ഥാനത്തിൽ എങ്ങനെ കിടപിടിക്കുന്നുവെന്ന് പരിശോധിക്കാം.

പെട്രോൾ

മഹീന്ദ്ര XUV700	ഹ്യുണ്ടായ് അൽകാസർ	MG ഹെക്ടർ പ്ലസ്
	പ്ലാറ്റിനം (O) DCT - 19.99 ലക്ഷം രൂപ
	സിഗ്നേച്ചർ (O) DCT - 20.28 ലക്ഷം രൂപ	ഷാർപ്പ് പ്രോ MT - 20.34 ലക്ഷം രൂപ
AX7 MT - 21.44 ലക്ഷം രൂപ		ഷാർപ്പ് പ്രോ CVT - 21.73 ലക്ഷം രൂപ
		സാവി പ്രൊ CVT- 22.68 ലക്ഷം രൂപ
AX7 AT - 23.14 ലക്ഷം രൂപ
AX L AT - 25.44 ലക്ഷം രൂപ

മഹീന്ദ്ര, ഹ്യുണ്ടായ്, MG എന്നിവ അവയുടെ SUV കളുടെ 6-സീറ്റർ വേരിയൻ്റാണ് ആദ്യ രണ്ട് മോഡലുകളിൽ വാഗ്ദാനം ചെയ്യുന്നത്.
XUV700 ഉം ഹെക്ടർ പ്ലസ് ഉം ഈ സീറ്റിംഗ് ലേഔട്ട് തന്നെ മാനുവൽ, ഓട്ടോമാറ്റിക് എന്നീ രണ്ടു ഓപ്‌ഷനുകൾക്കൊപ്പം വാഗ്ദാനം ചെയ്യുമ്പോൾ, അൽകാസറിനു രണ്ടാമത്തേ ഓപ്‌ഷൻ മാത്രമായി പരിമിതപ്പെടുത്തുന്നു.
എന്നിരുന്നാലും, ഇവിടെ ലിസ്‌റ്റ് ചെയ്‌തിരിക്കുന്ന രണ്ട് എതിരാളികളിൽ നിന്നുമുള്ള എൻട്രി ലെവൽ 6-സീറ്റർ ഓപ്ഷനുകളേക്കാൾ ടോപ്പ്-സ്പെക്ക് ഹ്യൂണ്ടായ് അൽകാസർ 6-സീറ്റർ ഒരു ചുവട് മുന്നിൽ തന്നെയാണ്. ഇത് XUV700 പെട്രോൾ വേരിയൻ്റുകളേക്കാൾ ഒരു ലക്ഷത്തിലധികം ലാഭകരമായ വിലയിൽ വരുന്നു, അതേസമയം 6 സീറ്റുള്ള മഹീന്ദ്ര SUVയുടെ ടോപ്പ്-സ്പെക്കിന് 5 ലക്ഷം രൂപയിലധികം വില വരുന്നു.
MG ഹെക്ടർ പ്ലസ് 6-സീറ്റർ മാനുവൽ ഓപ്ഷൻ മഹീന്ദ്ര XUV700 6-സീറ്ററിൻ്റെ പെട്രോൾ മാനുവൽ വേരിയൻ്റിനേക്കാൾ 1.1 ലക്ഷം രൂപ കുറവിലാണ് ആരംഭിക്കുന്നത്. ടോപ്പ്-സ്പെക്ക് ഹെക്ടർ പ്ലസ് 6-സീറ്റർ പെട്രോൾ-ഓട്ടോമാറ്റിക്കിന് അതേ പവർട്രെയിനുള്ള XUV700 6-സീറ്ററിനേക്കാൾ 46,000 രൂപയാണ് വിലക്കുറവ്.
അൽകാസർ 6-സീറ്ററിൻ്റെ പെട്രോൾ വേരിയന്റിൽ1.5-ലിറ്റർ ടർബോ-പെട്രോൾ എഞ്ചിൻ (160 PS / 253 Nm) 7-സ്പീഡ് ഡ്യുവൽ ക്ലച്ച് ഓട്ടോമാറ്റിക് ട്രാൻസ്മിഷൻ മാത്രമേ ഉണ്ടാകൂ.
ഹെക്ടർ പ്ലസ് പെട്രോളിൽ 1.5-ലിറ്റർ ടർബോ-പെട്രോൾ എഞ്ചിനും (143 PS / 250 Nm) ഉപയോഗിക്കുന്നു, ഒന്നുകിൽ 6-സ്പീഡ് മാനുവൽ അല്ലെങ്കിൽ CVT ഓട്ടോമാറ്റിക് ഗിയർബോക്‌സ് സഹിതമാണ് ഈ മോഡൽ വരുന്നത്
XUV700-യുടെ 2-ലിറ്റർ ടർബോ-പെട്രോൾ എഞ്ചിന് (200 PS / 380 Nm) 6-സ്പീഡ് മാനുവൽ, ഓട്ടോമാറ്റിക് വേരിയൻ്റുകളുള്ള 6-സീറ്റർ ലേഔട്ട് ഓപ്ഷനാണ് മഹീന്ദ്ര വാഗ്ദാനം ചെയ്യുന്നത്.
ഫീച്ചറുകളുടെ കാര്യത്തിൽ, രണ്ട് SUVകൾക്കും ഡ്യുവൽ 10.25 ഇഞ്ച് സ്‌ക്രീനുകൾ, ഓട്ടോ ക്ലൈമറ്റ് കൺട്രോൾ, വെൻ്റിലേറ്റഡ് ഫ്രണ്ട് സീറ്റുകൾ, പനോരമിക് സൺറൂഫ് എന്നിവ ലഭിക്കുന്നു.
മഹീന്ദ്ര XUV700-ൽ ഡ്യുവൽ സോൺ ACയും അൽകാസറിൽ ഇല്ലാത്ത മെമ്മറി സീറ്റുകളും സജ്ജീകരിച്ചിട്ടുണ്ട്. എന്നാൽ, XUV700 ന് 6-വേ പവർ ഡ്രൈവർ സീറ്റ് ലഭിക്കുമ്പോൾ അൽകാസറിൽ 8-വേ അഡ്ജസ്റ്റബിൾ പവേർഡ് ഡ്രൈവർ സീറ്റ് ആണ് ക്രമീകരിച്ചിട്ടുള്ളത്. ഹെക്ടർ പ്ലസിൽ ഇത് 6-വേ ഇലക്ട്രിക്കലി അഡ്ജസ്റ്റബിൾ ഡ്രൈവർ സീറ്റും 4-വേ ഇലക്ട്രിക്കലി അഡ്ജസ്റ്റബിൾ ഫ്രണ്ട് പാസഞ്ചർ സീറ്റും ലഭിക്കുന്നു

ഇതും പരിശോധിക്കൂ: ടാറ്റ നെക്‌സോൺ ഫെയ്‌സ്‌ലിഫ്റ്റ് ഡാർക്ക് എഡിഷൻ ഉടൻ തിരിച്ചെത്തുന്നു, വേരിയൻ്റുകളെക്കുറിച്ചുള്ള വിവരങ്ങൾ പുറത്ത്

മറ്റ് SUVകളുമായി താരതമ്യം ചെയ്യുമ്പോൾ, ലംബമായി ഓറിയന്റ് ചെയ്ത 14 ഇഞ്ച് ഡിസ്‌പ്ലേ ഉപയോഗിക്കുന്ന ടച്ച്‌സ്‌ക്രീൻ സിസ്റ്റമാണ് ഹെക്ടർ പ്ലസ് അവതരിപ്പിക്കുന്നത്. കൂടാതെ ഇതിലെ, ഡ്രൈവർ ഡിസ്‌പ്ലേയുടെ വലുപ്പം 7-ഇഞ്ച് ആണ്, ഇത് 10.25 ഇഞ്ച് സ്‌ക്രീനുമായി വരുന്ന XUV700, അൽകാസർ എന്നിവയേക്കാൾ ചെറുതാണ് എന്ന് പറയാം.
സുരക്ഷയുടെ കാര്യത്തിൽ, മൂന്ന് SUVകൾക്കും ഇലക്ട്രോണിക് സ്റ്റെബിലിറ്റി കൺട്രോൾ, 360 ഡിഗ്രി ക്യാമറ, ടയർ പ്രഷർ മോണിറ്ററിംഗ് സിസ്റ്റം (TPMS) എന്നിവ ലഭിക്കുന്നു. മൂന്ന് SUV കളും അവയുടെ ടോപ്പ്-സ്പെക്ക് വേരിയൻ്റുകളിൽ ഇലക്ട്രോണിക് പാർക്കിംഗ് ബ്രേക്ക് സഹിതമാണ് വരുന്നത്.
XUV700-ന് ഏഴ് എയർബാഗുകൾ ലഭിക്കുന്നു, അതേസമയം അൽകാസറിനും ഹെക്ടർ പ്ലസിനും ആറ് എയർബാഗുകൾ വീതമാണുള്ളത്. എന്നാൽ, അൽകാസറിന് എല്ലാ വേരിയൻ്റുകളിലും സ്റ്റാൻഡേർഡായി ആറ് എയർബാഗുകൾ തന്നെ ലഭിക്കുന്നു എന്നത് ശ്രദ്ധിക്കേണ്ടതാണ്.
XUV700, ഹെക്ടർ പ്ലസ് എന്നിവയിൽ ലെയ്ൻ കീപ്പ് അസിസ്റ്റ്, ഓട്ടോമാറ്റിക് എമർജൻസി ബ്രേക്കിംഗ്, അഡാപ്റ്റീവ് ക്രൂയിസ് കൺട്രോൾ തുടങ്ങിയ ഫീച്ചറുകൾ ഉൾപ്പെടുന്ന നൂതന ഡ്രൈവർ അസിസ്റ്റൻസ് സിസ്റ്റങ്ങളുടെ (ADAS) പൂർണ്ണ സ്യൂട്ടും വാഗ്ദാനം ചെയ്യുന്നു.

ഡീസൽ

മഹീന്ദ്ര XUV700	ടാറ്റ സഫാരി	ഹ്യുണ്ടായ് അൽകാസർ	MG ഹെക്ടർ പ്ലസ്
		സിഗ്നേച്ചർ MT - 20.18 ലക്ഷം രൂപ
		പ്ലാറ്റിനം (O) AT - 20.81 ലക്ഷം രൂപ
		സിഗ്നേച്ചർ AT - 20.93 ലക്ഷം രൂപ	സ്മാർട്ട് പ്രോ AT - 21 ലക്ഷം രൂപ
AX7 MT - 22.04 ലക്ഷം രൂപ
			ഷാർപ്പ് പ്രോ MT - 22.51 ലക്ഷം രൂപ
AX7 AT - 23.84 ലക്ഷം രൂപ
AX7 L MT - 24.14 ലക്ഷം രൂപ
AX7 L AT - 25.94 ലക്ഷം രൂപ	അകംപ്ലിഷ്ഡ് പ്ലസ് MT - 25.59 ലക്ഷം രൂപ
	അകംപ്ലിഷ്ഡ് പ്ലസ് ഡാർക്ക് MT - 25.94 ലക്ഷം രൂപ
	അകംപ്ലിഷ്ഡ് പ്ലസ് AT - 26.99 ലക്ഷം രൂപ
	അകംപ്ലിഷ്ഡ് പ്ലസ് ഡാർക്ക് AT - 27.34 ലക്ഷം രൂപ

ഡീസൽ എഞ്ചിനിലും, ഹ്യൂണ്ടായ് അൽകാസർ തന്നെയാണ് ഇവിടെ ഏറ്റവും ലാഭകരമായ 6-സീറ്റർ SUVയായി കണക്കാക്കുന്നത്,ഇതിന് XUV700-ൻ്റെ 6-സീറ്റർ ഡീസൽ വേരിയൻ്റുകളുടെ പ്രാരംഭ വിലയേക്കാൾ 1.86 ലക്ഷം രൂപ കുറവാണ്. ഇത് ഹെക്ടർ പ്ലസ്, സഫാരി എന്നിവയുടെ 6 സീറ്റുള്ള ഡീസൽ ഓപ്ഷനുകളെ യഥാക്രമം 92,000 രൂപയും 5.41 ലക്ഷം രൂപയും കുറവുണ്ട്.
ടാറ്റ അതിൻ്റെ ടോപ്പ്-സ്പെക്ക് അക്ംപ്ലിഷ്ഡ് പ്ലസ് വേരിയൻ്റിനൊപ്പം സഫാരിയുടെ 6-സീറ്റർ കോൺഫിഗറേഷൻ മാത്രമേ വാഗ്ദാനം ചെയ്യുന്നുള്ളൂ എന്നതിനാൽ, തുടക്കത്തിലെ ഏറ്റവും ഉയർന്ന വിലയായ 25.59 ലക്ഷം രൂപയ്ക്കാണ് ഇത് വരുന്നത്, ഇത് XUV700 6-സീറ്റർ ഡീസലിൻ്റെ പ്രാരംഭ വിലയേക്കാൾ 3.55 ലക്ഷം രൂപ കൂടുതലാണ്
മഹീന്ദ്ര XUV700 ആണ് ഇവിടെയുള്ള ഏറ്റവും ശക്തമായ ഡീസൽ ഓപ്ഷൻ, അത് 2.2 ലിറ്റർ ഡീസൽ എഞ്ചിൻ സഹിതമാണ് വരുന്നത് (185 PS / 450 Nm വരെ).
ടാറ്റ സഫാരി 170 PS ഉം 350 Nm ഉം നൽകുന്ന 2-ലിറ്റർ ഡീസൽ എഞ്ചിനാണ് ഉപയോഗിക്കുന്നത്, MG ഹെക്ടർ പ്ലസും സമാനമായഎഞ്ചിൻ വാഗ്ദാനം ചെയ്യുന്നു, എന്നാൽ സഫാരിയിൽ നിന്ന് വ്യത്യസ്തമായി ഇത് 6-സ്പീഡ് മാനുവൽ ട്രാൻസ്മിഷനിൽ പരിമിതപ്പെടുത്തിയിരിക്കുന്നു. 6-സ്പീഡ് ഓട്ടോമാറ്റിക് ട്രാൻസ്മിഷനും സഫാരിക്ക് ലഭിക്കുന്നുണ്ട്.
മറുവശത്ത് 116 PS-ഉം 250 Nm-ഉം നൽകുന്ന ഏറ്റവും കുറഞ്ഞ പവറുള്ള 1.5-ലിറ്റർ ഡീസൽ എഞ്ചിൻ സഹിതമാണ് ഹ്യൂണ്ടായ് അൽകാസർ വരുന്നത്.
മേൽപ്പറഞ്ഞ എല്ലാ ഡീസൽ എഞ്ചിനുകളും 6-സ്പീഡ് മാനുവൽ ട്രാൻസ്മിഷനുമായി ഘടിപ്പിച്ചിരിക്കുന്നു, കൂടാതെ XUV700, സഫാരി, അൽകാസർ എന്നിവയ്ക്ക് 6-സ്പീഡ് ഓട്ടോമാറ്റിക് ഓപ്‌ഷനുകളും വാഗ്ദാനം ചെയ്യുപ്പെടുന്നുണ്ട്.
ഏറ്റവും ചെലവേറിയ ഓപ്ഷനായ ടാറ്റ സഫാരിക്ക് 12.3 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ്, മെമ്മറിയുള്ള 6-വേ പവേർഡ് ഡ്രൈവർ സീറ്റ്, വെൽക്കം ഫംഗ്‌ഷൻ, ഇലക്ട്രിക് ബോസ് മോഡ് ഉള്ള 4-വേ പവേർഡ് കോ-ഡ്രൈവർ സീറ്റ് എന്നിങ്ങനെയുള്ള പ്രീമിയം ഫീച്ചറുകളുടെ ഒരു സമഗ്രമായ ലിസ്റ്റ് ലഭിക്കുന്നു. വെൻ്റിലേറ്റഡ് ഫ്രണ്ട്, റിയർ സീറ്റുകൾ, ജെസ്ചർ പ്രവർത്തനക്ഷമമാക്കിയ ടെയിൽഗേറ്റ് എന്നിവ ഇതിൽ ഉൾപ്പെടുത്തിയിരിക്കുന്നു. 6-സീറ്റർ കോൺഫിഗറേഷനിൽ മൂന്നാം നിരയിലേക്ക് ഏറ്റവും എളുപ്പത്തിൽ പ്രവേശിക്കുകയും ചെയ്യാനാകും.
ഈ താരതമ്യത്തിൽ പറഞ്ഞിരിക്കുന്ന നാല് SUVകൾക്കും പനോരമിക് സൺറൂഫ് ലഭിക്കുന്നു.

XUV700, ഹീറ്റർ പ്ലസ് എന്നിവയുൾപ്പടെ സഫാരിയുടെ സുരക്ഷാ കിറ്റിൽ അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റങ്ങളും (ADAS) ഉൾപ്പെടുന്നു. എന്നിരുന്നാലും, സഫാരിയുടെ ADAS കിറ്റിന് നിലവിൽ ലെയ്ൻ കീപ്പ് അസിസ്റ്റ് ഫീച്ചർ നഷ്‌ടമായിരിക്കുന്നു, അത് പിന്നീട് ഒരു അപ്‌ഡേറ്റ് വഴി അവതരിപ്പിച്ചേക്കാം.
MG ഹെക്ടർ പ്ലസ് അതിൻ്റെ ടോപ്പ്-സ്പെക്ക് പെട്രോൾ-ഓട്ടോമാറ്റിക് വേരിയന്റുകളിൽ ADAS വാഗ്ദാനം ചെയ്യുന്നുണ്ടെങ്കിലും, പ്രസ്തുത വേരിയൻ്റും അതിൻ്റെ സുരക്ഷാ സവിശേഷതകളും ഡീസൽ എഞ്ചിനിൽ ലഭ്യമല്ല.
ടാറ്റ സഫാരിയുടെ മുൻനിര വേരിയന്റുകൾക്ക് ഒബറോൺ ബ്ലാക്ക് എക്സ്റ്റീരിയർ പെയിൻ്റ് ഓപ്ഷൻ, ബ്ലാക്ക് അലോയ് വീലുകൾ, കറുപ്പ് നിറത്തിലുള്ള ഇൻ്റീരിയർ എന്നിവ ഉൾപ്പെടുന്ന ഒരു ഡാർക്ക് എഡിഷൻ പ്രീമിയം ഓപ്‌ഷൻ ലഭ്യമാണ്.
മഹീന്ദ്ര XUV700-യുടെ MY 24 അപ്‌ഡേറ്റിനൊപ്പം പുതിയ നാപ്പോളി ബ്ലാക്ക് എക്സ്റ്റീരിയർ പെയിൻ്റ് ഓപ്ഷനും അവതരിപ്പിച്ചു, ഇത് ഫ്രണ്ട് ഗ്രില്ലും അലോയ് വീലുകളും കറുപ്പ് നിരത്തിലാക്കുന്നു. എന്നിരുന്നാലും, ഈ പെയിൻ്റ് ഓപ്ഷനായി മഹീന്ദ്ര അധിക നിരക്ക് ഈടാക്കുന്നില്ല.
MG ഹെക്ടർ പ്ലസ്, ഹ്യൂണ്ടായ് അൽകാസർ എന്നിവയും കറുപ്പ് എക്സ്റ്റീരിയർ പെയിൻ്റ് ഓപ്ഷനുമായാണ് വരുന്നത് (എന്നാൽ 6-സീറ്റർ ലേഔട്ടിൽ ബ്ലാക്ക്ഡ് ഔട്ട് വീലുകളോ പൂർണ്ണമായും കറുത്ത ഇൻ്റീരിയറോ ഇല്ല).

ഇതും പരിശോധിക്കൂ: ടാറ്റ നെക്‌സോൺ ഗ്ലോബൽ NCAP ക്രാഷ് ടെസ്റ്റ് താരതമ്യം: മുൻപും ഇപ്പോഴും

ഫൈനൽ ടേക്ക്അവേ

നാല് SUVകളിൽ, ആവശ്യമായ എല്ലാ സവിശേഷതകളും ഉള്ള 6-സീറ്റർ ആഗ്രഹിക്കുന്നവർക്ക് ഏറ്റവും ലാഭകരമായ ഓപ്ഷനായി മാറുകയാണ് ഹ്യുണ്ടായ് അൽകാസർ. എന്നാൽ ആകർഷകത, ക്യാബിൻ വലുപ്പം, പെർഫോമൻസ് എന്നിവ നിങ്ങളുടെ മുൻഗണനകളിൽ ഉണ്ടെങ്കിൽ, അധിക വിലയുള്ള XUV700 മികച്ചതായി തോന്നാം. MG ഹെക്ടർ പ്ലസ്-നെ സംബന്ധിച്ചിടത്തോളം, XUV700-ൻ്റെ പെട്രോൾ വേരിയന്റുകൾക്ക് അതിൻ്റെ ആകർഷണീയമായ ഫീച്ചറുകൾ ഒരു കടുത്ത വെല്ലുവിളി ഉയർത്തുന്നു; എന്നിരുന്നാലും, ഡീസൽ ഓട്ടോമാറ്റിക് ട്രാൻസ്മിഷൻ ഓപ്ഷൻ ഇല്ലാത്തതിനാൽ ഡീസൽ വിഭാഗത്തിൽ ഈ മത്സരം കുറവാണ്.

മറുവശത്ത്, ഈ താരതമ്യത്തിൽ ഏറ്റവും ചെലവേറിയ 6 സീറ്റർ SUVയായി ഡീസൽ-മാത്രം ടാറ്റ സഫാരി നിലകൊള്ളുന്നു. ഇവിടെ പരാമർശിച്ചിട്ടുള്ള മറ്റുള്ളവയുമായി താരതമ്യപ്പെടുത്തുമ്പോൾ ഇത് കൂടുതൽ സവിശേഷതകളും കൂടുതൽ പ്രീമിയം വിലയും വാഗ്ദാനം ചെയ്യുന്നു, പ്രീമിയത്തിന്, ഒരുപക്ഷേ XUV700-നേക്കാൾ കുറഞ്ഞ കാത്തിരിപ്പ് കാലയളവും ഉണ്ടായേക്കാം.

ഈ SUVകളിൽ ഏതാണ് നിങ്ങൾ ഇഷ്ടപ്പെടുന്നത്? കമന്റുകളിലൂടെ ഞങ്ങളെ അറിയിക്കൂ.

കൂടുതൽ വായിക്കൂ: XUV700 ഓൺ റോഡ് പ്രൈസ്

പ്രസിദ്ധീകരിച്ചത്

shreyash