ജാഗ്വർ എഫ് - ടൈപ് എസ് വി ആർ ഔദ്യോഗീയ വീഡിയോയിലൂടെ പുറത്തുവിട്ടു

തങ്ങളുടെ രാജ്യാന്ത പ്രസിദ്ധി നേടിയ വാഹനമായ എഫ് - ടൈപ് സ്‌പോർട്ട്സ് കാറിന്റെ പുതിയ എസ് വി ആർ പതിപ്പ് ബ്രിട്ടിഷ് നിർമ്മാതാക്കൾ ഔദ്യോഗീയ വീഡിയോയിലൂടെ പുറത്തുവിട്ടു. എഫ് - ടൈപ്പുകളുടെ നിലവിലെ നിരകൾക്കൊപ്പം എത്തുന്ന എസ് വി ആർ കൂപെ, കൺവേർട്ടബിൾ വേരിയന്റുകളിൽ എത്തും. അടുത്ത മാസം നടക്കുന്ന 2016 ജനീവ മോട്ടോർഷോയിൽ ജാഗ്വർ എഫ് ടൈപ് എസ് വി ആർ പ്രദർശിപ്പിക്കും. ജാഗ്വർ നിർമ്മിക്കുന്നതിൽ ഏറ്റവും ശക്‌തിയേറിയ സീരീസ് ആണ്‌ എസ് വി ആർ.

നവീകരണങ്ങളെപ്പറ്റി പറയുകയാണെങ്കിൽ, എക്‌സ്റ്റീരിയറിൽ സ്റ്റാന്ദേർഡ് സ്‌പോർട്ട്സ് കാറിൽ നിന്ന്‌ കാര്യമായ മാറ്റങ്ങളൊന്നും തന്നെ ജാഗ്വർ എഫ് ടൈപ് എസ് വി ആറിനില്ല. എങ്കിൽ ചെറിയ മാറ്റങ്ങൾ അവിടവിടെ കാണുവാൻ കഴിയും. ഫ്രണ്ട് ബംബറിനൊപ്പം ജാഗ്വർ എയറോഡൈനാമിക് പാക്കേജ് എന്ന് വിശേഷിപ്പിക്കുന്ന ഒട്ടേറെ സവിശേഷതകളുണ്ട്. കാർബൺ ഫൈബറിൽ നിർമ്മിച്ചിരിക്കുന്ന ആക്‌ടിവ് റിയർ മിറർ, അന്റി റോൾ ബാർ, അപ്‌റേറ്റഡ് ചേസിസ്, ഫ്ലാറ്റ് അണ്ടർ ഫ്ലൂർ, വീതികൂടിയ ടയർ, കാർബൺ ഫൈബർ റൂഫ് പാനൽ, റിയർ വെന്റുരി ഒപ്പം ഇൻകണൽ എക്‌സോസ്റ്റ് സിസ്റ്റം എന്നിവയാണ്‌ മറ്റ് സവിശേഷതകളിൽ ചിലത്.

എഫ് ടൈപ് ആർ, വി 8 എസ് വേരിയന്റുകളിൽ കാണുവാൻ കഴിയുന്ന 5.0 ലിറ്റർ വി 8 പെട്രോൾ എഞ്ചിൻ എഞ്ചിൻ തന്നെയായിരിക്കും ജാഗ്വർ എഫ് ടൈപ് എസ് വി ആറിലുണ്ടാകുക. എന്നാൽ 700 എൻ എം ടോർക്കിൽ 575 പി എസ് പവർ പുറന്തള്ളുന്ന രീതിയിൽ എഞ്ചിന്‌ ചെറിയ നവീകരണങ്ങളും നടത്തിയിട്ടുണ്ട്. എഫ് ടൈപ് എസ് വി ആറിന്‌ എഫ് - ടപ് ആർ സ്‌പോർട്ട്സ് കാറിനേക്കാൾ 25 കിലോ ഗ്രാം ഭാരവും കുറവാണ്‌. 87.16 ലക്ഷം രൂപയ്‌ക്കും 89.11 ലക്ഷം രൂപയ്‌ക്കും ഇടയിലാണ്‌ വാഹനത്തിന്റെ വില. അന്താരാഷ്ട്ര വിപണികളിൽ ബുക്കിങ്ങ് തുടങ്ങിയെങ്കിലും വാഹനം ഇന്ത്യയിലേക്ക് വരുന്നതിനെപ്പറ്റി ജാഗ്വർ ഇതുവരെ ഒന്നും തന്നെ പറഞ്ഞിട്ടില്ല.