Toyota Innova Hycross Strong Hybridനെ ഫ്ലെക്സ് ഫ്യുവൽ മോഡലാക്കാനായി 7 മാറ്റങ്ങൾ!

എഥനോൾ സമ്പുഷ്ടമായ ഇന്ധനത്തിന്റെ വ്യത്യസ്ത ഗുണങ്ങളുമായി പൊരുത്തപ്പെടാൻ സാധാരണ പെട്രോൾ എഞ്ചിനായി സ്വീകരിക്കേണ്ട ആവശ്യമായ മാറ്റങ്ങൾ ഇവിടെയിതാ

അടുത്തിടെ നടന്ന ചടങ്ങിലാണ് കേന്ദ്രമന്ത്രി നിതിൻ ഗഡ്കരി  ടൊയോട്ട ഇന്നോവ ഹൈക്രോസ് ഇലക്‌ട്രിഫൈഡ് ഫ്‌ളെക്‌സ് ഫ്യുവൽ പ്രോട്ടോടൈപ്പ് അനാച്ഛാദനം ചെയ്തത്, ഇത് 85 ശതമാനം വരെ എത്തനോൾ മിശ്രിതം ഉപയോഗിക്കുന്ന ഹരിത ഇന്ധനത്തിൽ പ്രവർത്തിക്കാൻ കഴിയും. പ്രോട്ടോടൈപ്പിൽ ഹൈക്രോസിന്റെ 2-ലിറ്റർ സ്ട്രോങ്ങ്-ഹൈബ്രിഡ് പെട്രോൾ പവർട്രെയിൻ ഉപയോഗിക്കുന്നു, ഇത് കാറിന് ഇന്ധനത്തിനും വൈദ്യുതിക്കും ഇടയിലുള്ള ചെയ്ഞ്ച് എളുപ്പമാക്കുന്നു.

എന്നിരുന്നാലും, എത്തനോൾ മിശ്രിതത്തിന്റെ ഈ ഉയർന്ന ശതമാനവുമായി പൊരുത്തപ്പെടാൻ, ടൊയോട്ടയ്ക്ക് പ്രാദേശികമായി നിർമ്മിച്ച എഞ്ചിനിലും  അനുബന്ധ ഘടകങ്ങളിലും നിരവധി മാറ്റങ്ങൾ വരുത്തേണ്ടതായി വരുന്നു. E85 ഇന്ധനത്തിന് അനുയോജ്യമാക്കുന്നതിന് വരുത്തിയ പ്രധാന മാറ്റങ്ങൾ  ഇവയാണ്:

മോട്ടോർ ഡ്രിവൺ VVT

ഒരു സാധാരണ ഗ്യാസോലിൻ എഞ്ചിന് പൂജ്യം ഡിഗ്രിയിൽ താഴെയുള്ള താപനിലയിൽ സ്റ്റാർട്ട് ചെയ്യാനാകും . എത്തനോൾ ഹീറ്റിങ് ടെമ്പറേച്ചർ വളരെ കൂടുതലായതിനാൽ, അത് കോൾഡ് സ്റ്റാർട്ടിൽ പ്രശ്നങ്ങൾ നേരിടുകയും സ്റ്റാർട്ട് ആകാനായി കൂടുതൽ സമയമെടുക്കുകയും ചെയ്യും. അതിനാൽ, എത്തനോൾ കാറിന്റെ കോൾഡ് സ്റ്റാർട്ട് പ്രശ്‌നങ്ങൾ ഇല്ലാതാക്കാൻ എഞ്ചിനിൽ മാറ്റങ്ങൾ വരുത്തിയിട്ടുണ്ട്, ഇപ്പോൾ നെഗറ്റീവ് 15 ഡിഗ്രി സെൽഷ്യസ് വരെയുള്ള കുറഞ്ഞ താപനിലയിലും പ്രവർത്തിക്കാനാകും.

എഞ്ചിന്റെ മെച്ചപ്പെട്ട കൊറോഷൻ-റസിസ്റ്റന്റൻസ്

എഥനോളിന്റെ രാസ സ്വഭാവം പെട്രോളിനേക്കാൾ കൂടുതൽ ആസിഡിക് ഗുണമുള്ളതാണ്,ഇതിനൊപ്പം ഉയർന്ന ജല ആഗിരണ സവിശേഷതകളും കൂടിച്ചേരുമ്പോൾ, എഞ്ചിന്റെ കൊറോഷൻ സാധ്യത കൂടുതൽ ഗുരുതരമാകുന്നു.

എന്നാൽ, ഫ്ലെക്സ് ഫ്യൂൽ പ്രോട്ടോടൈപ്പിന് എത്തനോൾ അനുയോജ്യമായ സ്പാർക്ക് പ്ലഗുകൾ, വാൽവ്, വാൽവ് സീറ്റുകൾ, പിസ്റ്റൺ വളയങ്ങൾ എന്നിവയാണ് വരുന്നത്, ഇത് നാശത്തെ പ്രതിരോധിക്കുകയും തേയ്മാനം മെച്ചപ്പെടുത്തുകയും ചെയ്യും. അടിസ്ഥാനപരമായി, ഉയർന്ന എത്തനോൾ ഇന്ധനവുമായി നേരിട്ട് സമ്പർക്കം പുലർത്തുന്ന ഏതെങ്കിലും ഘടകങ്ങളെ അതിനായി പ്രത്യേകം ട്രീറ്റ് ചെയ്യുന്നു .

ഇതും വായിക്കൂ: മാരുതി ഇൻവിക്ടോ vs ടൊയോട്ട ഇന്നോവ ഹൈക്രോസ് vs കിയ കാരെൻസ്: വിലയിലെ താരതമ്യം

ത്രീ-വേ കാറ്റലിസ്റ്റ്

എഥനോൾ ഉപയോഗിച്ച് പ്രവർത്തിക്കുന്ന കാറുകളിൽ കൂടുതൽ നൂതനമായ ത്രീ-വേ കാറ്റലിസ്റ്റ് ഉപയോഗിക്കുന്നു, അതിനാൽ എമിഷനുകൾ ഗണ്യമായി കുറയ്ക്കുന്നു. സാധാരണ പെട്രോളിനെ അപേക്ഷിച്ച് NoX, കാർബൺ എമിഷൻ എന്നിവയ്‌ക്ക് പുറമെ എത്തനോൾ ജ്വലനം വ്യത്യസ്ത ഹൈഡ്രോകാർബണുകൾ ഉത്പാദിപ്പിക്കുന്നത് കൊണ്ടാണ് ഇത്. ഈ രീതിയിൽ, ഇത് BS6 ഫേസ് 2 വിധേയത്വ മാനദണ്ഡങ്ങൾ പാലിക്കുന്നു.

ഹൈ പ്രഷർ ഫ്യൂൾ ഇൻജക്ടറുകൾ

പെട്രോൾ എഞ്ചിനിലെ കാര്യമായ മാറ്റമാണിത്. ഗ്യാസോലിനേക്കാൾ ഉയർന്ന താപനിലയിൽ എത്തനോൾ കത്തുന്നു, ആവശ്യമായ പ്രകടനം സൃഷ്ടിക്കുന്നതിന് എഞ്ചിന് അതിൽ കൂടുതൽ നിലവാരത്തിൽ  കത്തേണ്ടതുണ്ട്. എത്തനോൾ-പവർഡ് ഹൈക്രോസിൽ ഹൈ പ്രഷർ ഫ്യുവൽ ഇൻജക്ടറുകൾ (ഡയറക്ട് ഫ്യൂവൽ ഇഞ്ചക്ഷൻ) ഉപയോഗിക്കുന്നു, അത് ആവശ്യമായ ഫ്ലോ റേറ്റ് നൽകുന്നതിന് മാത്രമല്ല, അധിക ചൂടിലേക്ക് ശക്തിപ്പെടുത്തുകയും നാശത്തെ പ്രതിരോധിക്കുകയും ചെയ്യുന്നു.

ഫ്യൂൽ ടാങ്കിലെ മാറ്റങ്ങൾ

ഇന്നോവ ഹൈക്രോസിന്റെ ഫ്യൂൽ    ടാങ്കും ഫ്യൂൽ പൈപ്പും പരിഷ്കരിക്കാൻ ആന്റി ഓക്സിഡന്റ് മെറ്റീരിയലുകളും കോട്ടിംഗും ഉപയോഗിച്ചിട്ടുണ്ട്. കൊറോഷൻ ഉണ്ടാകുന്നതും തുരുമ്പെടുക്കുന്നതും തടയുന്നതിനാണ് ഇത് ചെയ്യുന്നത്, ഇത് ദീർഘകാലത്തേക്ക് സുഗമമായ ഇന്ധന പ്രവാഹം ഉറപ്പാക്കുന്നു. 

എത്തനോൾ സെൻസർ

ഫ്ലെക്സ് ഫ്യൂവൽ MPV-യിലെ സാധാരണ ഹൈക്രോസിനേക്കാൾ കൂടുതലായുള്ള ഒരു പ്രധാന കൂട്ടിച്ചേർക്കലാണിത്, ഇന്ധനത്തിലെ എത്തനോളിന്റെ മിശ്രിതമോ സാന്ദ്രതയോ അളക്കുന്ന ഒരു എത്തനോൾ സെൻസറും ഇതിന് ലഭിക്കുന്നു. എഞ്ചിന്റെ മറ്റ് വശങ്ങൾ ഇലക്ട്രോണിക് ആയി ക്രമീകരിക്കുന്നതിന് ഫ്ലെക്സ് ഫ്യൂവൽ സെൻസർ ഈ വിവരങ്ങൾ പ്രത്യേക ECU വിലേക്ക് റിലേ ചെയ്യുന്നു. സാധാരണ പെട്രോൾ മോഡലുകൾക്ക് ഇന്ധനത്തിന്റെ ഒക്ടേൻ റേറ്റിംഗ് കണ്ടെത്തുന്നത് പോലെത്തന്നെയാണ് ഇതിലും. കൂടാതെ, നിങ്ങൾ E85 പമ്പിന് സമീപമല്ലെങ്കിൽ, അഥവാ E20 പോലെയുള്ള ലോവർ ബ്ലെൻഡ് ഉപയോഗിച്ച് ടോപ്പ്-അപ്പ് ചെയ്യുകയാണെങ്കിൽ, എഞ്ചിന്റെ സുഗമമായ പ്രവർത്തനങ്ങൾ തുടരുന്നതിന് നിങ്ങളുടെ ഇന്ധന ടാങ്കിലെ നിലവിലെ മിശ്രിതം വിലയിരുത്താൻ സിസ്റ്റത്തിന് കഴിയേണ്ടതുണ്ട്.

ഇതും വായിക്കൂ: ഇന്ത്യയിൽ വരാനിരിക്കുന്ന ഇലക്ട്രിക് കാറുകൾ

ECU-ലേക്കുള്ള മാറ്റങ്ങൾ

ഹൈക്രോസ് ഫ്ലെക്സ് ഇന്ധനത്തിന്റെ ECU (എഞ്ചിൻ കൺട്രോൾ യൂണിറ്റ്) എത്തനോൾ സെൻസർ കണ്ടെത്തിയ എത്തനോൾ മിശ്രിതത്തിന്റെ ശതമാനത്തെ അടിസ്ഥാനമാക്കി എഞ്ചിന്റെ ഇലക്ട്രോണിക് നിയന്ത്രിത പ്രവർത്തനങ്ങൾ നിർണ്ണയിക്കുകയും അതിനനുസരിച്ച് ക്രമീകരണങ്ങൾ കാലിബ്രേറ്റ് ചെയ്യുകയും ചെയ്യുന്നു. E20 മുതൽ E85 വരെയുള്ള എഥനോൾ മിശ്രിതത്തിലെ വിവിധ ശതമാനം അല്ലെങ്കിൽ ഒരു ഫ്ലെക്സ് ഇന്ധന വാഹനത്തിന്റെ നിർവചനമായ പെട്രോളിൽ പോലും എൻജിൻ തടസ്സങ്ങളില്ലാതെ പ്രവർത്തിക്കുന്നുവെന്ന് ഇത് ഉറപ്പാക്കുന്നു.

ഇന്നോവ ഹൈക്രോസ് ഇലക്‌ട്രിഫൈഡ് ഫ്‌ളെക്‌സ് ഫ്യുവൽ 60 ശതമാനം സമയവും വൈദ്യുതോർജ്ജത്തിലും ബാക്കിയുള്ള സമയം ജൈവ ഇന്ധനത്തിലും പ്രവർത്തിക്കാൻ കഴിവുള്ളതാണ്. ഇത് 100 ശതമാനം എത്തനോളിൽ ഓടുന്ന ഫ്ലെക്സ് ഇന്ധന കാറിനേക്കാൾ കൂടുതൽ ലാഭകരവും പരിസ്ഥിതി സൗഹൃദവുമാക്കുന്നു.

എന്നിരുന്നാലും, ഇത് ഇപ്പോഴും പ്രൊഡക്ഷൻ വളരെ കുറവാണ്, ഇന്ത്യൻ റോഡുകൾക്കായി ഇത് തയ്യാറാക്കുന്നതിന് മുമ്പ് നിരവധി പരിശോധനകളും കാലിബ്രേഷനുകളും നടത്തേണ്ടതുണ്ട്. 2025 ഓടെ, എല്ലാ വാഹനങ്ങളും ആദ്യത്തെ E20 (എഥനോൾ 20 ശതമാനം മിശ്രിതം) അനുയോജ്യമായ ഇനമായി മാറും, കൂടാതെ ടൊയോട്ട ഇന്നോവ ഹൈക്രോസ് ഹൈബ്രിഡ് ഫ്ലെക്സ് ഫ്യുവൽ പ്രോട്ടോടൈപ്പ് 3-4 വർഷത്തിനുള്ളിൽ ഉൽപ്പാദനത്തിന് തയ്യാറാകും.

കൂടുതൽ വായിക്കൂ: ടൊയോട്ട ഇന്നോവ ഹൈക്രോസ് ഓട്ടോമാറ്റിക്