മാരുതി ബലീനോ 2015-2022

മാരുതി ബലെനോ വേരിയന്റുകളും വിലയും: നാല് വേരിയന്റുകളിലാണ് ബലെനോ ലഭ്യമാകുന്നത്-സിഗ്മ,ഡെൽറ്റ,സെറ്റ,ആൽഫ. എല്ലാ വേരിയന്റിലും പെട്രോൾ അല്ലെങ്കിൽ ഡീസൽ എൻജിനിൽ ലഭ്യമാണ്. 5.58 ലക്ഷം മുതൽ 8.9 ലക്ഷം രൂപ വരെയാണ് വില. ബേസ് മോഡലായ സിഗ്മ, 1.2-ലിറ്റർ പെട്രോൾ ഡ്യൂവൽ ജെറ്റ് വേരിയന്റ് എന്നിവ ഒഴിച്ച് ബാക്കിയെല്ലാ മോഡലും CVT ഗിയർ ബോക്സിലും ലഭ്യമാണ്. 

മാരുതി ബലെനോ പവർ ട്രെയിൻ: മാരുതിയുടെ പ്രീമിയം ഹാച്ച് ബാക്കായ ബലെനോയുടെ പെട്രോൾ എൻജിനുകൾ ബി എസ് 6 അനുസൃതമായി മാറിയിട്ടുണ്ട്. എന്നാൽ ഡീസൽ പവർ ട്രെയിൻ സെറ്റപ്പിൽ മാറ്റമൊന്നുമില്ല. 1.2-ലിറ്റർ പെട്രോൾ എൻജിൻ നൽകുന്നത് 84PS പവറും 115Nm ടോർക്കുമാണ്. 5-സ്പീഡ് മാനുവൽ ട്രാൻസ്മിഷൻ അല്ലെങ്കിൽ CVT എന്നീ ഓപ്ഷനുകളിൽ ലഭ്യം. 1.2-ലിറ്റർ ഡ്യുവൽ ജെറ്റ് പെട്രോൾ എൻജിൻ മോഡലിൽ മൈൽഡ്-ഹൈബ്രിഡ് സിസ്റ്റമാണ് നൽകിയിരിക്കുന്നത്. 5-സ്പീഡ് മാനുവൽ ഓപ്ഷനിൽ ചില വേരിയന്റുകളിൽ മാത്രമാണ് ഇത് ലഭിക്കുക.പെട്രോൾ എൻജിന് 21.4kmpl ഇന്ധനക്ഷമത അവകാശപ്പെടുമ്പോൾ ഡ്യൂവൽ ജെറ്റ് പെട്രോൾ-മൈൽഡ് ഹൈബ്രിഡ് മോഡൽ 23.87kmpl മൈലേജാണ് നൽകുന്നത്. ഫിയറ്റിൽ നിന്ന് ലഭ്യമാക്കിയ 1.3-ലിറ്റർ ടർബോ ചാർജ്ഡ് ഡീസൽ എൻജിൻ നൽകുന്നത് 75PS പവറും 190Nm ടോർക്കുമാണ്. 5-സ്പീഡ് MT ഓപ്ഷൻ മാത്രമാണ് ഇതിൽ നൽകിയിരിക്കുന്നത്. ഏറ്റവും കൂടുതൽ മൈലേജ് ഈ മോഡലിനാണ്-27.39kmpl. ബി എസ് 6 മാനദണ്ഡങ്ങൾ കർശനമാകുമ്പോൾ ഈ മോഡൽ നിർത്തലാക്കാനും സാധ്യതയുണ്ട്.

മാരുതി ബലെനോ ഫീച്ചറുകൾ: സ്റ്റാൻഡേർഡ് സേഫ്റ്റി ഫീച്ചറുകളായ റിയർ പാർക്കിംഗ് സെൻസറുകൾ, എബിഎസ്  വിത്ത് ഇബിഡി,ഐസോഫിക്സ് ചൈൽഡ് സീറ്റ് ആങ്കറുകൾ,ഡ്യുവൽ ഫ്രണ്ട് എയർ ബാഗുകൾ എന്നിവ നൽകിയിരിക്കുന്നു. ബലെനോയിൽ ഒരു റിയർ വ്യൂ ക്യാമറയും മാരുതി നൽകിയിട്ടുണ്ട്. LED പ്രൊജക്ടർ ഹെഡ്‍ലാംപുകൾ,പുതിയ അലോയ് വീലുകൾ എന്നിവയും ഉണ്ട്. 7-ഇഞ്ച് ടച്ച് സ്ക്രീൻ ഇൻഫോടെയ്ൻമെൻറ് സിസ്റ്റം,ആപ്പിൾ കാർ പ്ലേ,ആൻഡ്രോയിഡ് ഓട്ടോ സംവിധാനങ്ങൾ,ഓട്ടോ ക്ലൈമറ്റ് കണ്ട്രോൾ,പുഷ് -ബട്ടൺ സ്റ്റോപ്പ്/സ്റ്റാർട്ട്,പാസ്സീവ് കീലെസ് എൻട്രി എന്നിവയും ബലെനോയുടെ സവിശേഷതകളാണ്.   

മാരുതി ബലെനോയുടെ എതിരാളികൾ: മാരുതിയുടെ പ്രീമിയം ഹാച്ച്ബാക്കായ ബലെനോ  മത്സരിക്കുന്നത് ടൊയോട്ട ഗ്ലാൻസാ,ഫോക്സ്‌വാഗൺ പോളോ,ഹോണ്ട ജാസ്,ഹ്യുണ്ടായ് എലൈറ്റ് i20, ഈയടുത്ത് വിപണിയിലെത്തിയ ടാറ്റ അൾട്രോസ് എന്നിവയുമായാണ്. എന്നാൽ പുതിയ പെട്രോൾ-ഹൈബ്രിഡ് വേരിയന്റിന് നേരിട്ടൊരു എതിരാളി ഇല്ല.