എംജി ഹെക്റ്റർ 2019-2021

6 സീറ്റർ ഹെക്ടർ വീണ്ടും സ്പൈഡ് ടെസ്റ്റിംഗ് ചെയ്യപ്പെട്ടു എന്നതാണ് ഏറ്റവും പുതിയ വിവരം. രണ്ടാം നിരയിലെ ക്യാപ്റ്റൻ സീറ്റുകളുടെ ലേഔട്ടും ഈ ടെസ്റ്റോടെ പുറത്തായി. 

എംജി ഹെക്ടർ വില: ഹെക്ടറിന്റെ 5 സീറ്റർ എസ്‌യുവി വേരിയന്റിന് 12.48 ലക്ഷത്തിനും 17.28 ലക്ഷത്തിനും (എക്സ് ഷോറൂം ഇന്ത്യ) ഇടയ്ക്കാണ് എംജി വില നിശ്ചയിച്ചിരിക്കുന്നത്.

എംജി ഹെക്ടർ വേരിയന്റുകളും കളർ ഓപ്ഷനുകളും: സ്റ്റൈൽ, സൂപ്പർ, സ്മാർട്ട്, ഷാർപ് എന്നിങ്ങനെ നാല് വേരിയന്റുകളിലാണ് ഹെക്ടർ നിരത്തിലിറങ്ങുന്നത്. ഈ വേരിയന്റുകൾ അഞ്ച് നിറങ്ങളിൽ ലഭ്യമാകും. വെള്ള, സിൽ‌വർ, കറുപ്പ്, ബർഗണ്ടി റെഡ്, ബ്ലേസ് റെഡ് എന്നിവയാണ് അഞ്ച് നിറങ്ങൾ. എങ്കിലും ഈ നിറങ്ങളുടെ ലഭ്യത വേരിയന്റുകളെ ആശ്രയിച്ചിരിക്കുന്നു. 

എംജി ഹെക്ടർ പവർട്രെയിൻസ്: ഒരു ഡീസൽ എഞ്ചിനും രണ്ട് പ്രെട്രോൾ എഞ്ചിനും അടക്കം മൂന്ന് ഓപ്ഷനുകളാണ് എംജി ഹെക്ടറിന് നൽകിയിരിക്കുന്നത്. 1.5 ലിറ്റർ ടർബോചാർജ്ജ്ഡ് യൂണിറ്റ് 143‌പി‌എസ്/250‌എൻ‌എം ഔട്ട്പുട്ട് തരുമ്പോൾ 2.0 ലിറ്റർ ഡീസൽ 170പി‌എസ്/350എൻ‌എം നൽകുന്നു. കൂടാതെ 1.5 ലിറ്റർ പെട്രോൾ എഞ്ചിനോടൊപ്പം ഒരു 48വി ഹൈബ്രിഡ് സിസ്റ്റവും എംജി തരുന്നു. ഐസി എഞ്ചിനുള്ള ഹെക്ടറിന് 6 സ്പീഡ് മാന്വൽ ട്രാൻസ്മിഷനാണ് സ്റ്റാൻഡേർഡ്. എന്നാൽ മൈൽഡ്-ഹൈബ്രിഡ് പെട്രോൾ എഞ്ചിനുള്ള ഹെക്ടറിൽ  7 സ്പീഡ് ഡുവൽ ക്ലച്ച് ട്രാൻസ്മിഷനും ഒരു ഓപ്ഷനായി ഉൾക്കൊള്ളിച്ചിരിക്കുന്നു. 

ഹെക്ടർ വേരിയന്റുകളുടെ ഇന്ധനക്ഷമത പരിശോധിക്കാം

• പെട്രോൾ എം‌ടി: 14.16 കിമീ/ലി

• പെട്രോൾ ഡിസിടി: 13.96 കിമീ/ലി

• പെട്രോൾ ഹൈബ്രിഡ് എം‌ടി: 15.81 കിമീ/ലി

• ഡീസൽ എം‌ടി: 17.41 കിമീ/ലി

എംജി ഹെക്ടറിന്റെ മറ്റ് സവിശേഷതകൾ: ഹെക്ടറിന്റെ ഏറ്റവുമാദ്യം ശ്രദ്ധിക്കപ്പെടുന്ന സവിശേഷത അതിന്റെ 10.4 ഇഞ്ച് ടച്ച് സ്ക്രീൻ ഇൻഫോടെയ്ന്മെന്റാണ്. ഇൻബിൽട്ട് ഇന്റർനെറ്റ് കണക്റ്റിവിറ്റി, ഐസ്മാർട്ട് മൊബൈൽ ആപ്ലിക്കേഷൻ അടിസ്ഥാനമാക്കിയുള്ള എസി കൺ‌ട്രോൾ, ഡോർ ലോക്ക്, അൺലോക്ക് എന്നിങ്ങനെ പോകുന്നു ടച്ച് സ്ക്രീൻ വിശേഷങ്ങൾ. പനോരമിക് സൺ‌റൂഫ്, 7 ഇഞ്ച് കളർ എം‌ഐഡി, 360 ഡിഗ്രി ക്യാമറ, ഇലക്ട്രോണിക് പാർക്കിംഗ് ബ്രേക്ക്, ആറോളം എയർ ബാഗുകൾ എന്നിവ വേറെയും. അടിസ്ഥാന സുരക്ഷാ സവിശേഷതകളിൽ പ്രധാനപ്പെട്ടവ മുൻ‌വശത്തുള്ള ഇരട്ട എയർബാഗുകൾ, ഇബിഡി യുള്ള എബി‌എസ്, ഇ‌എസ്‌പി, ട്രാക്ഷൻ കൺ‌ട്രോൾ, റിയർ ഡിസ്ക് ബ്രേക്കുകൾ, ഹിൽ-ഹോൾഡ് അസിസ്റ്റ്, ഐസോഫിറ്റ് ചൈൽഡ് സീറ്റ് ആങ്കേർസ് എന്നിവയാണ്. 

എതിരാളികൾ: വിപണിയിൽ എംജി ഹെക്ടർ മത്സരിക്കുക ജീപ്പ് കോം‌പാസ്, ടാറ്റ ഹാരിയർ, മഹീന്ദ്ര എക്സ്‌യു‌വി500, ഹ്യുണ്ടായ് ക്രെറ്റ, ഹ്യുണ്ടായ് ടക്സൺ, കിയ സെൽട്ടോസ് എന്നീ മോഡലുകളുമായാണ്. ടാറ്റാ ഗ്രാവിറ്റാസിനും സ്കോഡ വിഷൻ ഐ‌എൻ എസ്‌യു‌വിക്കും ഹെക്ടർ വെല്ലുവിളിയുയർത്തും.