മഹേന്ദ്ര മാരാസ്സോ

മാരാസ്സോ പുത്തൻ വാർത്തകൾ

ഏറ്റവും പുതിയ വിവരങ്ങള്‍ വിപണിയില്‍ ഉടന്‍ പ്രതീക്ഷിക്കപ്പെടുന്ന മഹീന്ദ്രാ മറാസോ പെട്രോള്‍ പതിപ്പിന്റെ പരീക്ഷണ ദൃശ്യങ്ങള്‍ ഞങ്ങള്‍ക്ക് ലഭിച്ചു, വിശദാംശങ്ങള്‍ അറിയാന്‍

മഹീന്ദ്രാ മറാസ്സോ വേരിയന്റുകളും വിലയും : 9.99 ലക്ഷം രൂപ മുതല്‍ 14.76 ലക്ഷം രൂപ വരെയാണ്  മറാസ്സോയുടെ ഡല്‍ഹിയിലെ എക്സ് ഷോറൂം വിലയായി പ്രതീക്ഷിക്കപ്പെടുന്നത്. നാലു വകഭേദങ്ങളാണ് ലഭ്യമാക്കുക. അടിസ്ഥാന മോഡലായ എം2 , എം4, എം6, ശ്രേണിയിലെ ഏറ്റവും ഉയര്‍ന്ന മോഡലായ എം8.

മഹീന്ദ്രാ മറാസ്സോ; എന്‍ജിനും മൈലേജും :  മറാസ്സോയുടെ ഡീസല്‍ പതിപ്പ് മാത്രമാണ് ഇപ്പോള്‍ വിപണിയില്‍ ഉള്ളത്. മറാസ്സോയുടെ 1.5 ലിറ്റര്‍ ഡീസല്‍ എന്‍ജിന് 123 കുതിരശക്തി കരുത്തും 300 ന്യൂട്ടന്‍ മീറ്റര്‍ ടോര്‍ക്കും ഉത്പാദിപ്പിക്കാന്‍ ശേഷിയുണ്ട്.  6 സ്പീഡ് മാനുവല്‍ ഗിയര്‍ബോക്സാണ് ഇതിനുള്ളത്. 2020ല്‍ പുറത്തിറങ്ങുന്ന മറാസ്സോയ്ക്ക് പെട്രോള്‍ എന്‍ജിനോടൊപ്പം ഓട്ടോമാറ്റിക്ക് ട്രാന്‍സ്മിഷന്‍ ഓപ്ഷന്‍ കൂടി അവതരിപ്പിക്കാന്‍ മഹീന്ദ്രായ്ക്ക് പദ്ധതിയുണ്ട്.167എംഎം ഗ്രൗണ്ട് ക്ലിയറന്‍സ് ഉള്ള ഈ വാഹനത്തിന് എആര്‍എഐ അംഗീകൃത നിരക്കായ 17.3 കെഎംപിഎല്‍ വാഗ്ദാനം ചെയ്യപ്പെടുന്നു. 

മഹീന്ദ്രമറാസ്സോയുടെ സവിശേഷതകള്‍ :  ഇരട്ട എയര്‍ബാഗുകള്‍, , എബിഎസ് ,ഈബിഡി, കോര്‍ണറിങ് ലാംപുകള്‍, ഐസോഫിക്സ് ചൈല്‍ഡ് സീറ്റ് ആങ്കേഴ്സ്,എന്നിവ അടിസ്ഥാന സൗകര്യങ്ങളായി നല്‍കുന്നു. 7 ഇഞ്ച് ടച്ച് സ്ക്രീന്‍ ഇന്‍ഫോടെയ്ന്‍മെന്റ് സിസ്റ്റം, ആന്‍ഡ്രോയ്ഡ് ഓട്ടോ, ആപ്പിള്‍ കാര്‍പ്ലേ എന്നീ സംവിധാനങ്ങളും ഒരുക്കിയിട്ടുണ്ട്. ഓട്ടോ ക്ലൈമറ്റ് കണ്‍ട്രോള്‍, രണ്ടും മൂന്നു നിരകള്‍ക്കായി റൂഫ് മൗണ്ടഡ് എയര്‍കണ്ടീഷനിങ് സംവിധാനം, എല്‍ഇഡി ഡേ ടൈം റണ്ണിങ് ലൈറ്റുകളോടു കൂടിയ പ്രോജക്ടര്‍ ഹെഡ്‍ലാംപുകള്‍, 17 ഇഞ്ച് അലോയ് വീലുകള്‍, ലെതര്‍ സമാനമായ ചാരുത നല്‍കുന്ന അപ്ഹോള്‍സ്റ്ററി ഇവയൊക്കെ മറാസ്സോയുടെ സവിശേഷതകളില്‍ ഉള്‍പ്പെടുന്നു.  ഡിസി ഡിസൈന്‍ രൂപകല്പന ചെയ്ത ഇന്റീരിയര്‍ അക്സസറികളുടെ കിറ്റും മറാസോ നല്‍കുന്നുണ്ട്.

മഹീന്ദ്ര മറാസ്സോയുടെ പ്രധാന എതിരാളികള്‍ :  ടൊയോട്ടാ ഇന്നോവ ക്രിസ്റ്റാ,  മാരുതി സുസുക്കി എര്‍ട്ടിഗ എന്നിവയുമായാണ് മറാസ്സോ മത്സരിക്കുന്നത്