റെനൊ ക്വിഡ് സ്പെഷ്യൽ എഡിഷനുകൾ ഫെബ്രുവരി 3 ന്‌ പുറത്താക്കുകാണിക്കുമെന്ന് സ്ഥിരീകരിച്ചു

തങ്ങളുടെ പുതിയ ഹാച്ച്ബാക്കായ റെനൊ ക്വിഡിന്റെ പുതിയ വേർഷനുകൾ ഫെബ്രുവരി 3 ന്‌ പുറത്തിറക്കുമെന്ന് ഫ്രെഞ്ച്ച് വാഹന നിർമ്മാതാക്കൾ റെനൊ സ്ഥിരീകരിച്ചു. റെനൊ ക്വിഡിന്റെ 1.0 ലിറ്റർ വേർഷൻ, ഓട്ടോമാറ്റിക് വേർഷൻ എന്നിവയാണ്‌ 1:20 പി എമ്മിനും 1:40 പി എമ്മിനും ഇടയിൽ പുറത്തിറക്കുന്നത്. ഒരു 5 - സ്പീഡ് മാനുവൽ സ്റ്റാൻഡേർഡ് ഗീയർബോക്‌സുമായി എത്തുന്ന നിലവിലെ 799 സി സി മോഡലിനൊപ്പമായിരിക്കും പുതിയ മോഡലുകൾ എത്തുക. വരുന്ന മോഡലുകളെല്ലാം തന്നെ ഈ എൻട്രി ലെവൽ ഹാച്ച്ബാക്കിന്റെ സ്റ്റാൻഡേർഡ് 799 സിസി മോഡലിനേക്കാൾ വിലകൂടിയവയായിരിക്കും.

വേരിയന്റുകളെപ്പറ്റി പറയുകയാണെങ്കിൽ, എ എം ടി ഗീയർബോക്‌സുമായിട്ടായിരിക്കും പുതിയ ഓട്ടോമാറ്റിക് വേരിയന്റ് എത്തുക. ഇതേ എ എം ടി ഗീയർബോക്‌സുമായിട്ടായിരിക്കും ശക്‌തികൂടിയ 1.0 ലിറ്റർ വേർഷനും എത്തുക. ഇതിനെപ്പറ്റി നിലവിൽ ഔദ്യോഗീയ പ്രഖ്യാപനങ്ങളൊന്നും വന്നിട്ടില്ലാത്തതിനാൽ ഈ സാധ്യതകളെല്ലാം തന്നെ ഇപ്പോഴും അഭ്യൂഹങ്ങൾ മാത്രമാണ്‌. 1 ലിറ്റർ വേരിയന്റുകൾക്കൊപ്പം എ ബി എസ്സും വാഗ്‌ദാനം ചെയ്യുമെന്നും ശ്രുതിയുണ്ട്. നിലവിലെ ക്വിഡിലെ 799 സി സി യൂണിറ്റിന്റെ ഒരു നവീകരിച്ച വേർഷനായിരിക്കും 1 ലിറ്റർ വേരിയന്റിലുണ്ടാകുക. നിലവിലെ വേർഷനിലെ 799 സി സി പെട്രോൾ യൂണിറ്റ് 4386 ആർ പി എമ്മിൽ 72 എൻ എം പരമാവധി ടോർക്കും 5678 ആർ പി എമ്മിൽ 53.3 ബി എച് പി പവറും പുറന്തള്ളും.

ഫെബ്രുവരി 5 മുതൽ 9 വരെ ഗ്രേറ്റർ നോയിഡയിൽ വച്ച് നടക്കുന്ന ഓട്ടോ എക്‌സ്പോയിൽ ലോഡ്‌ജി എം പി വി യുടെ സ്പെഷ്യൽ എഡിഷൻ കൂടി പുറത്തിറക്കുമെന്ന് പ്രതീക്ഷിക്കാം.