Tesla എപ്പോഴാണ് ഇന്ത്യയിലേക്കെത്തുന്നത്? ഇതുവരെ നമുക്കറിയാവുന്നതെല്ലാം!
<തിയതി> <ഉടമയുടെപേര്> <മോഡലിന്റെപേര്> ന് പ്രസിദ്ധീകരിച്ചത്
- 24 Views
- ഒരു അഭിപ്രായം എഴുതുക
അടുത്ത രണ്ട് വർഷത്തിനുള്ളിൽ ഒരു ഇന്ത്യൻ നിർമ്മിത EV നിർമ്മിക്കുന്നതിനായി ടെസ്ലയ്ക്ക് ഒരു പ്രാദേശിക നിർമ്മാണ കേന്ദ്രം സ്ഥാപിക്കാനാകും.
2023 ജൂണിൽ - ഇന്ത്യൻ പ്രധാനമന്ത്രി നരേന്ദ്ര മോദി യുഎസ് സന്ദർശിച്ചപ്പോൾ - ടെസ്‌ലയുടെ സ്ഥാപകൻ എലോൺ മസ്‌ക് അദ്ദേഹത്തെ കാണുകയും കമ്പനി ഇന്ത്യയിൽ എത്തുമെന്ന് സ്ഥിരീകരിക്കുകയും ചെയ്തിരുന്നു. നവംബറിലേക്ക് വേഗത്തിലെത്തിയിട്ടും, അത് ഇനിയും സംഭവിച്ചിട്ടില്ല, എന്നാൽ അതിനുള്ള സാധ്യതകൾ ട്രാക്കിലാണെന്ന് തോന്നുന്നു. ടെസ്‌ലയുടെ ഇന്ത്യയിലേക്കുള്ള വരവിനെക്കുറിച്ച് ഇതുവരെ അറിയാവുന്നതെല്ലാം ഇതാ:
ഇറക്കുമതി നികുതികളിൽ സാധ്യമായ ഇളവ്
ഇന്ത്യൻ ഗവൺമെന്റിന്റെ ഇറക്കുമതി നിരക്കുകളെക്കുറിച്ചുള്ള ചർച്ചകൾ വളരെക്കാലമായി ചലനാത്മകമാണ്, ഈ EV നിർമ്മാതാവിന്റെ ഇന്ത്യയിലേക്കുള്ള വരവ് വൈകുന്നതിന് പ്രധാന കാരണമാണ് ഇത്. ഇന്ത്യൻ ഗവൺമെന്റ് അധികാരികൾ സമ്മതിച്ചതായി റിപ്പോർട്ട് ചെയ്യപ്പെട്ടിട്ടുള്ളതിനാൽ ടെസ്ല പോലുള്ള ആഗോള ബ്രാൻഡുകൾക്ക് അഞ്ച് വർഷത്തേക്ക് നികുതിയിളവിന്റെ പ്രയോജനം ലഭിക്കുമെന്ന് തോന്നുന്നു, എന്നാൽ ഈ EV നിർമ്മാതാക്കൾ ഇന്ത്യയിൽ പ്രാദേശിക നിർമ്മാണം സ്ഥാപിക്കാൻ തയ്യാറായാൽ മാത്രമാണിത്.
പ്രാദേശിക ഉൽപ്പാദനം ഉടൻ
അമേരിക്കൻ EV നിർമ്മാതാവ് അടുത്ത രണ്ട് വർഷത്തിനുള്ളിൽ ഇന്ത്യയിൽ ഒരു പ്രാദേശിക നിർമ്മാണ പ്ലാന്റ് സ്ഥാപിക്കുന്നതിനെക്കുറിച്ചും ചർച്ചകൾ നടത്തിയിട്ടുണ്ട്. ഗുജറാത്ത്, മഹാരാഷ്ട്ര, തമിഴ്‌നാട് എന്നീ സംസ്ഥാനങ്ങളാണ് 16,000 കോടിയിലധികം രൂപയുടെ നിക്ഷേപമുള്ള ടെസ്ല സൗകര്യം സ്ഥാപിക്കുന്നതിൽ മുൻഗണനയിൽ നിൽക്കുന്നത്.
ഇറക്കുമതി ചെയ്യുന്ന ആദ്യത്തെ കുറച്ച് മോഡലുകൾ
ഇന്ത്യയിൽ ഒരു നിർമ്മാണ കേന്ദ്രം സ്ഥാപിക്കാൻ ടെസ്ലയ്ക്ക് എടുക്കാവുന്ന സമയം കണക്കിലെടുക്കുമ്പോൾ, EV നിർമ്മാതാവ് ആദ്യം അതിന്റെ ചില ആഗോള ഉൽപ്പന്നങ്ങൾ ഇവിടെ ഇറക്കുമതി ചെയ്തുകൊണ്ട് ആരംഭിക്കാൻ സാധ്യതയുണ്ട്. ചൈനയിൽ നിന്ന് ഇലക്ട്രിക് കാറുകൾ കൊണ്ടുവരുന്നത് പരിഗനിക്കുകയാണെങ്കിലും, സമീപകാല അതിർത്തിയിലെ സംഘർഷങ്ങൾ ടെസ്‌ലയെ അതിന്റെ ജർമ്മനി പ്ലാന്റിൽ നിന്ന് മോഡലുകൾ ഇറക്കുമതി ചെയ്യാൻ പ്രേരിപ്പിക്കും.
ഇതും കാണൂ: മഹീന്ദ്ര XUV.e9 യ്ക്ക് മഹീന്ദ്ര XUV.e8-ന്റെ സമാനമായ ക്യാബിൻ
പുതിയ EV നിർമ്മാണത്തിൽ
2023-ന്റെ തുടക്കത്തിൽ, ഒരു പുതിയ എൻട്രി ലെവൽ ഇലക്ട്രിക് വാഹനം ടെസ്ല വികസിപ്പിച്ചെടുക്കുന്നതായി ഞങ്ങൾ മനസ്സിലാക്കി. വരാനിരിക്കുന്ന ഈ EV ടെസ്‌ലയുടെ ഏറ്റവും ചെറുതും ചെലവ് കുറഞ്ഞതുമായ മോഡലായി മാറും, അതിന് 'മോഡൽ 2' എന്ന് പേരിട്ടു. ടീസറിനെ അടിസ്ഥാനമാക്കി, കുത്തനെയുള്ള റൂഫ്‌ലൈനും വ്യക്തമായ ഷോൾഡർ ലൈനും ഉള്ള ഒരു ഉയരമുള്ള ക്രോസ്ഓവറാണെന്ന് തോന്നുന്നു. ലൈനപ്പിലെ വലിയ മോഡലുകളായ ടെസ്‌ലയുടെ മോഡൽ Y, മോഡൽ 3 എന്നിവയിൽ നിന്നുള്ള ഘടകങ്ങൾ ഇതിന്റെ ഡിസൈനീളും ഉൾപ്പെടുത്തുമെന്നും പ്രതീക്ഷിക്കാം.
ഏതാണ് ആദ്യം ഇന്ത്യയിലേക്ക് വരുന്നത്?
ടെസ്ല മോഡൽ 3, ടെസ്ല മോഡൽ Y തുടങ്ങിയ മോഡലുകൾ ആദ്യം ഇറക്കുമതി വഴി ഇന്ത്യയിലേക്ക് വരുമെന്ന് ഞങ്ങൾ കരുതുന്നു, രണ്ടും ഇതിനകം തന്നെ ഏതാനും തവണ പരീക്ഷണം നടത്തിയവയാണ്. റിപ്പോർട്ടുകൾ വിശ്വസിക്കാമെങ്കിൽ, ടെസ്ലയ്ക്ക് ഒരു ചെറിയ ഇനിടന നിർമ്മിത EVയും അവതരിപ്പിക്കാൻ കഴിയും, അതിന്റെ വില ഏകദേശം 20 ലക്ഷം രൂപ (എക്സ്-ഷോറൂം) ആയിരിക്കും.
നമ്മുടെ റോഡുകളിൽ എപ്പോൾ ടെസ്ല കാറുകൾ കാണാനാണ് നിങ്ങൾ ആഗ്രഹിക്കുന്നത്? ഏതാണ് ആദ്യം വരേണ്ടതെന്നാണ് നിങ്ങൾ കരുതുന്നത്? കമന്റുകളിലൂടെ ഞങ്ങളെ അറിയിക്കൂ.
