Tata Curvv EV ടീസർ വീണ്ടും, പുതിയ സവിശേഷതകളോടെ!

ഡ്രൈവർ ഡിസ്‌പ്ലേ, പാഡിൽ ഷിഫ്റ്ററുകൾ, റോട്ടറി ഡ്രൈവ് മോഡ് സെലക്ടർ എന്നിവയുൾപ്പെടെയുള്ള ചില സവിശേഷതകൾ കർവ്വ് പുതിയ നെക്‌സോണിൽ നിന്ന് സ്വീകരിച്ചേക്കാമെന്ന് പുതിയ ടീസർ സ്ഥിരീകരിക്കുന്നു.

• ഇന്ത്യയിലെ ആദ്യത്തെ മാസ്-മാർക്കറ്റ് SUV-കൂപ്പ് ഓഫറായിരിക്കും ടാറ്റ കർവ്വ്.

• സമീപകാല ടീസറിൽ, ഡിജിറ്റൽ ഡ്രൈവർ ഡിസ്പ്ലേ, പാഡിൽ ഷിഫ്റ്ററുകൾ, റോട്ടറി ഡ്രൈവ് മോഡ് സെലക്ടർ എന്നിവ കണ്ടെത്തി.

• ഇത് ഒന്നിലധികം പവർട്രെയിനുകൾക്കൊപ്പം വാഗ്ദാനം ചെയ്യും: പെട്രോൾ, ഡീസൽ, ഇലക്ട്രിക്.

• ടാറ്റ കർവ്വ് -ന്റെ വില 10.50 ലക്ഷം രൂപയും കർവ്വ് EV യുടെ വില ഏകദേശം 20 ലക്ഷം രൂപയും ആയിരിക്കാമെന്ന് പ്രതീക്ഷിക്കുന്നു.

• കർവ്വ് ന് മുന്നോടിയായി കർവ്വ് EV ലോഞ്ച് ചെയ്യും.

EV, ഇൻ്റേണൽ കംബസ്‌ഷൻ എഞ്ചിൻ (ICE) പതിപ്പുകളിൽ ടാറ്റ കർവ്വ് ലോഞ്ചിനായി ഒരുങ്ങുകയാണ്, വരാനിരിക്കുന്ന കാറിൻ്റെ ചില ടീസറുകൾ കാർ നിർമ്മാതാവ് പങ്ക് വച്ചിരുന്നു. ഏറ്റവും പുതിയ ടീസറിൽ, മലയോര ഭൂപ്രദേശങ്ങളിൽ SUV-കൂപ്പിൻ്റെ രണ്ട് ടെസ്റ്റ് മ്യൂളുകൾ പരീക്ഷിക്കുന്നതാണ് കാണിക്കുന്നത്, കൂടാതെ അതിൻ്റെ ചില പുതിയ സവിശേഷതകളും വെളിപ്പെടുത്തുന്നു. ഈ ടീസറുകളിൽ നമുക്ക് കണ്ടെത്താൻ കഴിയുന്നവ എന്തെല്ലാമാണെന്ന് നോക്കാം

എന്താണ് കണ്ടെത്താവുന്നത് ?

ടീസർ ഒരു ഡിജിറ്റൽ ഡ്രൈവർ ഡിസ്‌പ്ലേയുടെ ഒരു ദൃശ്യം നൽകുന്നു, ഇത് ടാറ്റ നെക്‌സോൺ EVയിൽ നിന്ന് പ്രചോദനമുൾക്കൊണ്ട, അതിന് സമാനമായ 10.25 ഇഞ്ച് യൂണിറ്റായിരിക്കും. ഡ്രൈവറുടെ ഡിസ്‌പ്ലേയിൽ ഒരു ലെയ്ൻ-കീപ്പ് അസിസ്റ്റ് സവിശേഷത പ്രദർശിപ്പിച്ചിരിക്കുന്നതും ഞങ്ങൾക്ക് കാണാനാകും, അങ്ങനെ കർവ്വ് EV-ക്ക് അഡാപ്റ്റീവ് ക്രൂയിസ് കൺട്രോൾ, കൊളീഷൻ അവോയ്ഡൻസ് അസിസ്റ്റ് പോലുള്ള ചില അഡ്വാൻസ്ഡ് ഡ്രൈവർ-അസിസ്റ്റൻസ് സിസ്റ്റങ്ങളും (ADAS) ലഭിക്കുമെന്ന് ഉറപ്പാക്കാം.

പാഡിൽ ഷിഫ്റ്ററുകളും കണ്ടെത്തി, ഇത് കർവ്വ് EVയിൽ ഊർജ്ജ പരിക്രമണത്തിന് സഹായിക്കും. ഇതും നെക്‌സോൺ  EV-യിൽ നിന്ന് സ്വീകരിക്കുന്ന ഒരു സവിശേഷതയാണ്. ഒരു ഡ്രൈവ് മോഡ് സെലക്ടറാണ് ടീസറിൽ ദൃശ്യമായ മറ്റൊരു സവിശേഷത. റോട്ടറി യൂണിറ്റ് സൂക്ഷ്മമായി പരിശോധിച്ചാൽ, കർവ്വ് EV-ക്ക് മൂന്ന് ഡ്രൈവിംഗ് മോഡുകൾ ഉണ്ടായിരിക്കുമെന്ന് സൂചിപ്പിക്കുന്നു- ഇക്കോ, സിറ്റി, സ്‌പോർട്ട് എന്നിവയാണവ.

പ്രതീക്ഷിക്കുന്ന അധിക ഫീച്ചറുകൾ 

വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയെ പിന്തുണയ്ക്കുന്ന 12.3 ഇഞ്ച് ഇൻഫോടെയ്ൻമെൻ്റ് സിസ്റ്റം, പനോരമിക് സൺറൂഫ്, വെൻ്റിലേറ്റഡ് ഫ്രണ്ട് സീറ്റുകൾ, ഓട്ടോ AC, വയർലെസ് ഫോൺ ചാർജിംഗ് എന്നിവയും ടാറ്റ കർവ്വ് EVക്ക് ലഭിക്കുമെന്ന് പ്രതീക്ഷിക്കുന്നു.

സുരക്ഷ പരിഗണിക്കുമ്പോൾ, കർവ്വ്  ഡ്യുവോയിൽ ആറ് എയർബാഗുകൾ, റിയർ പാർക്കിംഗ് സെൻസറുകൾ, ISOFIX ചൈൽഡ് സീറ്റ് മൗണ്ടുകൾ, ഇലക്ട്രോണിക് സ്റ്റെബിലിറ്റി കൺട്രോൾ (ESC) എന്നിവ ലഭിക്കും. ഉയർന്ന വേരിയൻ്റുകൾക്ക് 360-ഡിഗ്രി ക്യാമറ, ഫ്രണ്ട് പാർക്കിംഗ് സെൻസറുകൾ, ടയർ പ്രഷർ മോണിറ്ററിംഗ് സിസ്റ്റം (TPMS) എന്നിവ ഉൾപ്പെടുത്താൻ സാധിക്കും.

പ്രതീക്ഷിക്കുന്ന പവർട്രെയിൻ

കർവ്വ് EV, കർവ്വ് പവർട്രെയിനുകളുടെ ഔദ്യോഗിക സാങ്കേതിക വിശദാംശങ്ങൾ ഇനിയും വെളിപ്പെടുത്തിയിട്ടില്ല. എന്നിരുന്നാലും, ടാറ്റയുടെ Acti.ev പ്ലാറ്റ്‌ഫോമിനെ അടിസ്ഥാനമാക്കിയുള്ളതിനാൽ, ഏകദേശം 500 കിലോമീറ്റർ പരിധിയുള്ള രണ്ട് ബാറ്ററി പാക്കുകൾ EV-ക്ക് ലഭിക്കുമെന്ന് ഞങ്ങൾ പ്രതീക്ഷിക്കുന്നു.

കർവ്വ് ICE പരിഗണിക്കുമ്പോൾ, രണ്ട് എഞ്ചിൻ ഓപ്ഷനുകൾ അവതരിപ്പിക്കാൻ സാധ്യതയുണ്ട്: ഒരു പുതിയ 1.2-ലിറ്റർ T-GDi ടർബോ-പെട്രോൾ (125 PS/225 Nm), പരിചിതമായ നെക്സൺ സോഴ്സ്ഡ്  1.5-ലിറ്റർ ഡീസൽ (115 PS/260 Nm) . ട്രാൻസ്മിഷൻ ഓപ്ഷനുകളിൽ 6-സ്പീഡ് മാനുവൽ ഗിയർബോക്സും ഡ്യുവൽ ക്ലച്ച് ഓട്ടോമാറ്റിക് ട്രാൻസ്മിഷനും (DCT) ഉൾപ്പെടാം.

പ്രതീക്ഷിക്കുന്ന ലോഞ്ചും എതിരാളികളും

ടാറ്റ കർവ്വ് EV ഉടൻ പുറത്തിറങ്ങുമെന്ന് പ്രതീക്ഷിക്കുന്നു, ഇതിന് 20 ലക്ഷം രൂപയിൽ കൂടുതൽ (എക്സ്-ഷോറൂം) ചിലവ് പ്രതീക്ഷിക്കുന്നു, കൂടാതെ MG ZS EV, വരാനിരിക്കുന്ന ഹ്യുണ്ടായ് ക്രെറ്റ EV, മാരുതി സുസുക്കി eVX എന്നിവയോട് ഇത് കിടപിടിക്കുന്നു.

ടാറ്റ കർവ്വ് ICE EVക്ക് ശേഷം പുറത്തിറങ്ങും, 10.50 ലക്ഷം രൂപ (എക്സ്-ഷോറൂം) മുതൽ പ്രതീക്ഷിക്കപ്പെടുന്നു, വരാനിരിക്കുന്ന സിട്രോൺ ബസാൾട്ട് SUV-കൂപ്പുമായി ഇത് നേരിട്ട് കിടപിടിക്കുന്നു. ഹ്യുണ്ടായ് ക്രെറ്റ, കിയ സെൽറ്റോസ്, മാരുതി ഗ്രാൻഡ് വിറ്റാര, ടൊയോട്ട അർബൻ ക്രൂയിസർ ഹൈറൈഡർ, ഫോക്‌സ്‌വാഗൺ ടൈഗൺ, സ്‌കോഡ കുഷാക്ക് തുടങ്ങിയ കോംപാക്റ്റ് SUVVകളുമായും ഇത് എതിരിടുന്നു.

ഓട്ടോമോട്ടീവ് ലോകത്ത് നിന്ന് ഉടനടി അപ്‌ഡേറ്റുകൾ ആവശ്യമുണ്ടോ? കാർദേഖോ  വാട്സ്ആപ്പ്  ചാനൽ ഫോളോ ചെയ്യൂ.