രണ്ട് പുതിയ ആശയങ്ങളുടെ ഷോകേസിനൊപ്പം EV5 ന്റെ സവിശേഷതകളും വെളിപ്പെടുത്തി Kia!

കിയയുടെ വരാനിരിക്കുന്ന ഇലക്ട്രിക് സെഡാനും കോംപാക്റ്റ് SUVയും കൺസെപ്റ്റുകളായി പ്രദർശിപ്പിച്ചിരിക്കുന്നു

• EV5 ഈ വർഷം ഓഗസ്റ്റിൽ അവതരിപ്പിച്ചു.

• ഇത് EV9 SUVയിൽ നിന്ന് ഡിസൈൻ പ്രചോദനം ഉൾക്കൊള്ളുന്നു.

• ഇത് EV9 SUVയിൽ നിന്ന് ഡിസൈൻ പ്രചോദനം ഉൾക്കൊള്ളുന്നു.

• മൂന്ന് വ്യത്യസ്ത പവർട്രെയിനുകളുള്ള രണ്ട് ബാറ്ററി പാക്ക് ഓപ്ഷനുകൾ ലഭിക്കുന്നു.

• ഡ്യൂവൽ ഇന്റഗ്രെറ്റഡ് 12.3 ഇഞ്ച് ഡിസ്‌പ്ലേകൾ, വെഹിക്കിൾ-2-ലോഡ്, ADAS സാങ്കേതികവിദ്യ എന്നിവ ഉൾപ്പെടുത്തുന്നു.

• EV5 2025-ഓടെ 55 ലക്ഷം രൂപ (എക്സ്-ഷോറൂം) വിലയിൽ ഇന്ത്യയിൽ അവതരിപ്പിക്കാനാകും എന്ന്  പ്രതീക്ഷിക്കുന്നു.

കൊറിയയിലെ കിയയുടെ EV ദിനത്തോടനുബന്ധിച്ച്, ഈ വർഷം ഓഗസ്റ്റിൽ ആഗോളതലത്തിൽ അരങ്ങേറ്റം കുറിച്ച EV5 മിഡ്-സൈസ് ഇലക്ട്രിക് SUVയുടെ സവിശേഷതകൾ കാർ നിർമ്മാതാവ് വെളിപ്പെടുത്തി. EV5 ന്റെ വിശദാംശങ്ങൾക്കൊപ്പം, കിയ രണ്ട് കൺസെപ്റ്റ് EV-കളും അവതരിപ്പിച്ചു: EV3 കോംപാക്റ്റ് SUV, EV4 സെഡാൻ എന്നിവ. ഈ രണ്ടു മോഡലുകളും വരും വർഷങ്ങളിൽ അവതരിപ്പിക്കപ്പെടും. എന്നാൽ ഈ ആശയങ്ങൾ അറിയുന്നതിന് മുമ്പ്, EV5 എന്താണ് വാഗ്ദാനം ചെയ്യുന്നതെന്ന് നോക്കാം:

ഒന്നിലധികം പവർട്രെയിൻ ഓപ്ഷനുകൾ

രണ്ട് ബാറ്ററി പാക്കുകളും മൂന്ന് പവർട്രെയിൻ ഓപ്ഷനുകളുമാണ് കിയ EV5 വാഗ്ദാനം ചെയ്യുന്നത്: സ്റ്റാൻഡേർഡ്, ലോംഗ് റേഞ്ച്, ലോംഗ് റേഞ്ച് AWD എന്നിവയാണവ. സ്റ്റാൻഡേർഡ് പതിപ്പിന് 64kWh ബാറ്ററി പായ്ക്ക് ലഭിക്കുന്നു, 217PS ഇലക്ട്രിക് മോട്ടോറും 530km റേഞ്ചും പ്രതീക്ഷിക്കുന്നു. ലോംഗ് റേഞ്ച് പതിപ്പിന് 88kWh ബാറ്ററി പായ്ക്ക് ഉണ്ട്, അതേ 217PS ഇലക്ട്രിക് മോട്ടോറും 720km റേഞ്ചും ഉണ്ട്. അവസാനമായി, ലോംഗ് റേഞ്ച് AWD ഒരേ 88kWh ബാറ്ററി പായ്ക്ക് ഡ്യുവൽ-മോട്ടോർ സജ്ജീകരണത്തോടെ (217PS ഫ്രണ്ട്, 95PS പിൻഭാഗം) പായ്ക്ക് ചെയ്യുന്നു, കൂടാതെ കിയയുടെ ഡ്രൈവിംഗ് റേഞ്ച് 650km കണക്കാക്കിയിട്ടുണ്ട്. സൂപ്പർഫാസ്റ്റ് ഡിസി ചാർജർ ഉപയോഗിച്ച് 27 മിനിറ്റിനുള്ളിൽ EV5 30 മുതൽ 100 ​​ശതമാനം വരെ ചാർജ് ചെയ്യാം.

ഫീച്ചറുകളുടെ ആധുനിക ലിസ്റ്റ്

ഡ്യുവൽ ഇന്റഗ്രേറ്റഡ് 12.3 ഇഞ്ച് ഡിസ്‌പ്ലേ സെറ്റപ്പ് (ടച്ച്‌സ്‌ക്രീൻ വിവരങ്ങളും ഡിജിറ്റൽ ഡ്രൈവർ ഡിസ്‌പ്ലേയും) ഉപയോഗിച്ചാണ് കിയ ഇലക്ട്രിക് SUV സജ്ജീകരിച്ചിരിക്കുന്നത്. 5 ഇഞ്ച് ക്ലൈമറ്റ് കൺട്രോൾ പാനൽ, ത്രീ-സോൺ ക്ലൈമറ്റ് കൺട്രോൾ, ഹീറ്റഡ് ആൻഡ് വെൻറിലേറ്റഡ് ഫ്രണ്ട് സീറ്റുകൾ, വെഹിക്കിൾ-ടു-ലോഡ് (V2L), വെഹിക്കിൾ-ടു-ഗ്രിഡ് (V2G) എന്നിവയും ഇതിന് ലഭിക്കുന്നു.

സുരക്ഷ പരിഗണിക്കുകയാണെങ്കിൽ, ഏഴ് എയർബാഗുകളും ലെയ്ൻ കീപ്പ് അസിസ്റ്റ്, ലെയ്ൻ ഡിപ്പാർച്ചർ മുന്നറിയിപ്പ്, പാർക്കിംഗ് അസിസ്റ്റ്, അഡാപ്റ്റീവ് ക്രൂയിസ് കൺട്രോൾ, ഓട്ടോ എമർജൻസി ബ്രേക്കിംഗ് എന്നിവയുൾപ്പെടെയുള്ള ADAS (അഡ്വാൻസ്ഡ് ഡ്രൈവർ അസിസ്റ്റൻസ് സിസ്റ്റം) ഫീച്ചറുകളുമുണ്ട്.

ഇതും വായിക്കൂ: കിയ സെൽറ്റോസിന്റെയും കിയ കാരൻസിന്റെയും വിലയിൽ 30,000 രൂപ വരെ വർദ്ധനവ്

ഇപ്പോൾ വെളിപ്പെടുത്തിയ കൺസെപ്റ്റസ് എന്തെല്ലാമാണെന്ന് നോക്കാം.

കിയ EV4

ഈ ഫ്യൂച്ചറിസ്റ്റിക് ലുക്കിംഗ് EV, മുന്നിൽ നിന്ന് നോക്കിയാൽ Kia EV6-ന് സമാനമായതും ആർഭാടങ്ങൾ ഇല്ലാത്തത് പോലെയും കാണപ്പെടുന്നു. ഇതിന് മെലിഞ്ഞ ഗ്രില്ലും കിയയുടെ ടൈഗർ നോസ് ഹെഡ്‌ലൈറ്റ് സജ്ജീകരണവുമുണ്ട്. ഒരു സയൻസ് ഫിക്ഷൻ സിനിമയിൽ നിന്നുള്ളത് പോലെ തോന്നിക്കുന്ന മൂർച്ചയുള്ള വരകളും വിപുലീകരിച്ച പിൻഭാഗവും ത്രികോണാകൃതിയിലുള്ള അലോയ് വീലുകളുമുള്ള ഒരു ഫ്ലാറ്റ് പ്രൊഫൈൽ ഇതിന് ലഭിക്കുന്നു. റിയർ പ്രൊഫൈൽ അതിന്റെ സ്ട്രെയ്റ്റ് ലൈൻ, ഫ്ലാറ്റ് ബോഡി എന്നിവ ഉൾപ്പെടുത്തി മിനിമലിസ്റ്റ് ലുക്കിൽ വരുന്നു.

അകത്ത് വളരെ ലളിതമായ ഒരു ക്യാബിനാണ് ഉള്ളത്, ഇത് ഒരു പുതിയ കൺസെപ്റ്റ് ആണെന്ന് നിങ്ങൾക്ക് എളുപ്പത്തിൽ പറയാൻ കഴിയും. കാബിന് തിളക്കമുള്ള നിറങ്ങൾ, ചതുരാകൃതിയിലുള്ള സ്റ്റിയറിംഗ് വീൽ, ഡ്യുവൽ ഇന്റഗ്രേറ്റഡ് ഡിസ്പ്ലേ സെറ്റപ്പ് എന്നിവ ലഭിക്കുന്നു. ഇതിനെ കൂടുതൽ മിനിമലിസ്‌റ്റ് ആക്കുന്നതിന്, മധ്യഭാഗത്ത് ഫ്ലാറ്റ് സെന്റർ കൺസോളുള്ള പ്ലെയിൻ വൈറ്റ് സീറ്റുകൾ എന്നിവയാണ് കിയയിൽ ഉള്ളത്.

കിയ EV3

EV4-ന്റെ അതേ ഡിസൈൻ തന്നെയാണ് EV3-ലും ഉള്ളത്. ഇലക്ട്രിക് SUVയുടെ മൊത്തത്തിലുള്ള രൂപകൽപ്പനയിൽ മിനിമലിസം കാണാൻ കഴിയും. ഇതിന്റെ ഫ്രണ്ട് പ്രൊഫൈലിൽ EV4-ന്റെ അതേ ഡിസൈൻ ഘടകങ്ങളുണ്ട്, പക്ഷേ കൂടുതൽ നിവർന്നുനിൽക്കുന്ന രീതിയിലാണ്. പ്രൊഫൈലിൽ വീൽ ആർച്ചുകൾ, ഡോർ ക്ലാഡിംഗ്, സ്റ്റൈലിഷ് അലോയ് വീലുകൾ എന്നിവയുണ്ട്. പിൻഭാഗത്ത്, EV3 ന് ഒരു ഫ്ലാറ്റ് ബോഡി, വലിയ ഹെഡ്‌ലാമ്പ് സജ്ജീകരണങ്ങൾ, ഒരു വലിയ സ്‌കിഡ് പ്ലേറ്റ് എന്നിവയാണുള്ളത്.

കാബിനും EV4 ന് സമാനമാണ്. ഇവയിൽ സമാനമായ ഡാഷ്‌ബോർഡും സ്റ്റിയറിംഗ് വീലും ഡിസ്‌പ്ലേ സജ്ജീകരണവും ലഭിക്കുന്നു, എന്നാൽ സെന്റർ കൺസോളിന് ഒരു ലേയേർഡ് ഡിസൈനും ക്യാബിന് പച്ചയും ചാരനിറവും ഉൾപ്പെടുത്തിയിട്ടുള്ള  സ്കീമും ഉണ്ട്.

ഇതും വായിക്കൂ: ഇന്ത്യൻ വിപണിയിൽ പ്രവേശിക്കാൻ വിൻഫാസ്റ്റ്; ബ്രാൻഡിനേയും കാറുകളെയും കുറിച്ച്  അറിയുക

ഈ കൺസെപ്‌റ്റുകളുടെ ബാറ്ററി പാക്കും മോട്ടോർ വിശദാംശങ്ങളും പുറത്തുവന്നിട്ടില്ല, എന്നാൽ ഈ EVകൾ ഉൽപ്പാദനത്തിന് തയ്യാറായിക്കഴിഞ്ഞാൽ കിയയ്ക്ക് അവയുടെ സവിശേഷതകൾ വെളിപ്പെടുത്താനാകും.

ലോഞ്ച് ടൈംലൈനുകൾ

EV5 ഈ വർഷം അന്താരാഷ്‌ട്ര വിപണിയിൽ അവതരിപ്പിക്കും, 2025-ഓടെ ഇത് ഇന്ത്യൻ തീരങ്ങളിൽ എത്തും. EV3, EV4 എന്നിവ 2024 മുതൽ വിപണിയിൽ പ്രവേശിക്കും, Kia അവ ഇന്ത്യയിൽ അവതരിപ്പിക്കാൻ ആഗ്രഹിക്കുന്നുവെങ്കിൽ, 2026 ഓടെ അവയ്ക്ക് നമ്മുടെ വിപണിയിൽ പ്രവേശിക്കാനാകും.