ഫോക്‌സ്‌വാഗൺ ടിഗുവാൻ 2017-2020

ഏറ്റവും പുതിയ വിവരങ്ങള്‍- ഓട്ടോ എക്സ്പോ 2020-ന്റെ വേദിയില്‍ ടിഗ്വാന്‍ ആള്‍-സ്പെയ്സ് പ്രദര്‍ശിപ്പിച്ച് മുന്‍ നിര കാര്‍നിര്‍മ്മാതാക്കളായ ഫോക്സ്‍വാഗണ്‍

ഫോക്സ്‍വാഗണ്‍ ടിഗ്വാന്റെ വിലയും വകഭേദങ്ങളും : ഹൈ-ലൈന്‍ കംഫര്‍ട്ട്‍ലൈന്‍ എന്നിങ്ങനെ രണ്ടു വകഭേദങ്ങളിലാണ് ടിഗ്വാന്‍ വിപണിയില്‍ എത്തുന്നത്. യഥാക്രമം 28.05 ലക്ഷം രൂപയും 31.44 ലക്ഷം രൂപയുമാണ് ഇന്ത്യന്‍ വിപണിയില്‍ ഇവയുടെ വില.

ഫോക്സ്‍വാഗണ്‍ ടിഗ്വാന്റെ എന്‍ജിന്‍ :  2.0 ലിറ്റര്‍ ഡീസല്‍ എന്‍ജിനാണ് ടിഗ്വാന്‍റെ ഹൃദയം. 143 കുതിരശക്തി കരുത്തും, 340 ന്യൂട്ടന്‍മീറ്റര്‍ ടോര്‍ക്കും സൃഷ്ടിക്കാന്‍ ഈ എന്‍ജിനു പ്രാപ്തിയുണ്ട്. 7 സ്പീഡ് ഡി-എസ്ജി ഗിയര്‍ബോക്സിലൂടെ നാലു വീലുകളിലേക്കും ഊര്‍ജ്ജം പ്രസരിപ്പിക്കാന്‍ ഈ എസ്‍യുവിക്ക് കഴിയും. ലിറ്ററിന് 17.06 കിലോമീറ്റര്‍ ഇന്ധനക്ഷമതയാണ് നിര്‍മ്മാതാക്കള്‍ അവകാശപ്പെടുന്നത്

ഫോക്സ്‍വാഗണ്‍ ടിഗ്വാന്റെ സവിശേഷതകള്‍ : സുരക്ഷയുടെ ഭാഗമായി 6 എയര്‍ബാഗുകള്‍, ഇലക്ട്രോണിക്‌ സ്റ്റെബിലിറ്റി കണ്‍ട്രോള്‍, ഹില്‍ ഹോള്‍ഡ് കണ്‍ട്രോള്‍, ഐസോഫിക്സ് ചെല്‍ഡ്സീറ്റ് ആങ്കേഴ്സ്, മുന്നിലും പിന്നിലുമുള്ള പാര്‍ക്കിങ് സെന്‍സറുകള്‍, ടയറിലെ മര്‍ദ്ദം പരിശോധിക്കുന്നതിനുള്ള സംവിധാനം,  തുടങ്ങിയ അടിസ്ഥാന സൗകര്യങ്ങള്‍ ഒരുക്കിയിട്ടുണ്ട്. എല്‍ഇഡി ഡിആര്‍എല്ലുകളോടു കൂടിയ എല്‍ഇഡി ഹെഡ്‍ലാംപുകള്‍, പനോരമിക് സണ്‍റൂഫ്, , ത്രീ സോണ്‍ ക്ലൈമറ്റ് കണ്‍ട്രോള്‍, അഡ്ജസ്റ്റ് ചെയ്യാവുന്ന ഇലക്ട്രിക്കല്‍ ഡ്രൈവര്‍ സീറ്റ്, ഹീറ്റഡ് മുന്‍ സീറ്റുകള്‍, ഇലക്ട്രിക്കലായി പ്രവര്‍ത്തിക്കുന്ന ടെയില്‍ ഗേറ്റ്, ക്രൂയിസ് കണ്‍ട്രോള്‍, ആപ്പിള്‍ കാര്‍പ്ലേയും ആന്‍ഡ്രോയ്ഡ് ഓട്ടോയുമടങ്ങിയ 8 ഇഞ്ച് ടച്ച് സ്ക്രീന്‍ ഇന്‍ഫോടെയ്ന്‍മെന്റ് സംവിധാനം,  എന്നിവയും നല്‍കുന്നു.

ഫോക്സ്‍വാഗണ്‍ ടിഗ്വാന്റെ പ്രധാന എതിരാളികള്‍ :സ്കോഡ കോഡിയാക്,ടൊയോട്ടാ ഫോര്‍ച്യൂനര്‍,ഹോണ്ടാ സി-ആര്‍വി,

ഫോര്‍ഡ് എന്‍ഡവര്‍,ഇസുസു എംയുഎക്സ്,മഹീന്ദ്രാ അള്‍ട്രൂറാസ് ജി4