റെനോൾട്ട് - നിസ്സാൻ സഖ്യത്തിന്റെ 1 മില്യൺ-മത്തെ വാഹനം ഇന്ത്യൻ നിരത്തിലിറങ്ങി

സഖ്യത്തിന്റെ 1 മില്യൺ-മത്തെ കാർ ചെന്നൈയിലെ ഒറഗാഡാം പ്ലാന്റിൽ നിർമ്മിച്ചതോട് കൂടി റെനോൾട്ട് -നിസ്സാൻ സഖ്യം ഒരു പ്രധാനപ്പെട്ട നാഴികക്കല്ല് കടന്നിരിക്കുന്നു. നാഴികക്കല്ലായി മാറിയ നിസ്സാൻ മൈക്രാ ഇന്നലെ 2016 ജനുവരി 8 ന്‌ പ്രൊഡക്ഷൻ ലൈനിൽ നിന്ന് നിരത്തിലിറങ്ങി . 2010 മാർച്ചിൽ ഐ എൻ ആർ 45 ബില്യൺ നിക്ഷേപവുമായി പ്രവർത്തനം ആരംഭിച്ച ഒറഗാഡാം പ്ലാന്റ് സഖ്യത്തിന്റെ ലോകത്തിലെ ഏറ്റവും വലിയ പ്രൊഡക്ഷൻ ഫസിലിറ്റിയാണ്‌. പിന്നീട് ഈ പ്ലാന്റിൽ ലോകോത്തര നിലവാരമുള്ള പവർട്രെയിൻ നിർമ്മാണത്തിനും ടൂളിങ്ങിനുമായി ഐ എൻ ആർ 16 ബില്യൺ അധിക നിക്ഷേപം നടത്തിയിരുന്നു.

ഇതുവരെ ഈ പ്ലാന്റ് സ്വദേശ- വിദേശ കമ്പോളങ്ങളിലേയ്ക്കായി 32 പുതിയ റെനോൾട്ട്, നിസ്സാൻ , ഡാന്റ്സൺ മോഡലുകളും, അതിന്റെയെല്ലാം ഡെറിവേറ്റിവുകളും പ്രൊഡക്ഷൻ ലൈനിൽ അവതരിപ്പിച്ചിട്ടുണ്ട്. ഈ പ്ലാന്റിൽ ഏറ്റവും പുതിയതായി അവതരിപ്പിച്ചത് 2015 സെപ്റ്റംബറിൽ റെനോൾട്ട് കിവിഡാണ്‌. 2010 മുതൽ 106 രാജ്യങ്ങളിലേയ്ക്ക് 600,000 യൂണിറ്റുകൾ കപ്പൽ മാർഗം കയറ്റി അയക്കുന്ന റെനോൾട്ട്- നിസ്സാൻ സഖ്യം ഇന്ത്യയിലെ രണ്ടാമത്തെ ഏറ്റവും വലിയ കാർ കയറ്റുമതി കമ്പനിയാണ്‌. ആ സമയത്ത്, 2010 സാമ്പത്തിക വർഷത്തിൽ 75,000 യൂണിറ്റുകൽ നിന്ന് ആരംഭിച്ച് കലണ്ടർ വർഷം 2015 ൽ 200,000 മായി വാർഷിക ഉത്പാദന വ്യാപ്തി വർദ്ധിച്ചിട്ടുണ്ട്.

നിസ്സാൻ ആഫ്രിക്ക ,മധ്യ കിഴക്ക്-ഇന്ത്യൻ റീജിയണിന്റെ ചെയർമാൻ അതുപോലെ സഖ്യത്തിന്റെ മുൻ എക്സിക്യൂട്ടീവ് വൈസ് പ്രസിഡന്റ് ക്രിസ്റ്റ്യൻ മാർഡ്രസ് ഇങ്ങനെ പറയുകയുണ്ടായി “ ഈ പ്രധാനപ്പെട്ട പ്ലാന്റിൽ നടന്ന് കൊണ്ടിരിക്കുന്ന വികസനങ്ങളിൽ വളരെ പ്രാധാന്യമുള്ള നാഴികക്കല്ല് നേടാൻ സാധിച്ചതിന്‌ ചെന്നൈയിലെ ഞങ്ങളുടെ വർക്ക്ഫോഴ്സിനെ ഞാൻ അഭിനന്ദിക്കുന്നു.”

“ഞങ്ങളുടെ ചെന്നൈയിലെ ഫസിലിറ്റിയ്ക്ക് ഇന്ത്യയിലെ ഞങ്ങളുടെ വ്യവസായം അഭിവൃദ്ധിപ്പെടുത്തുന്നതിൽ മുൻപും, ഇപ്പോഴും തുടർന്നുകൊണ്ടിരിക്കുന്നതുമായ അടിസ്ഥാനപരമായ പങ്കാണുള്ളത്. ഇന്നത്തെ ഈ നാഴികക്കല്ല് പ്രതിഫലിപ്പിക്കുന്നത് നിസ്സാന്റെയും, റൊനോൾട്ടിന്റെയും ഇന്ത്യയിലെയും ,കയറ്റി അയക്കുന്ന കമ്പോളങ്ങളിലെ ജനപ്രിയതയും, ഞങ്ങളുടെ സ്റ്റാഫിന്റെ സാമർത്ഥ്യവും, സമർപ്പണവുമാണ്‌. തമിഴ്നാട് ഗവണ്മെന്റിൽ നിന്ന് ഞങ്ങൾക്ക് ലഭിക്കുന്ന ഉയർന്ന ലെവലിലുള്ള പിൻതുണയുടെ ഒരളവും കൂടിയാണിത്.” മി. മാർഡ്രസ് കൂട്ടിച്ചേർത്തു.

ചെന്നൈയിലെ ആർ & ഡി സെന്ററിനൊപ്പം , സഖ്യം തമിഴ്നാട്ടിൽ ഏകദേശം 12,000 നേരിട്ടുള്ള ജോലികളാണ്‌ നല്കുന്നത്. കൂടാതെ ഇന്ത്യൻ വിതരണ സൃംഖലയിൽ 40,000 വും.

റെനോൾട്ട് നിസ്സാൻ അലൈൻസ് ഇന്ത്യ പ്രൈവറ്റ് ലിമിറ്റഡിന്റെ ( ആർ എൻ എ ഐ പി എൽ ) പ്ലാന്റ് മാനേജിങ്ങ് ഡയറക്ടർ കോളിൻ മാക്ഡൊനാൾഡ് ഇങ്ങനെ പറയുകയുണ്ടായി “ ഈ പ്ലാന്റുമായി ബന്ധപ്പെട്ടവരുടെയെല്ലാം അഭിമാന ദിവസമാണിന്ന്. 2010 മുതൽ പ്രതിവർഷം 3 ബ്രാൻഡുകളിലുമായി ശരാശരി 2 പുതിയ മോഡലുകളിലെങ്കിലും ഞങ്ങൾ ലോഞ്ച് ചെയ്തിട്ടുണ്ട്. ലോകോത്തര നിലവാരം നിലനിർത്തി, വാർഷിക ഉത്പാദന വ്യാപ്തി കൂട്ടി ഇത് നേട്ടം കരസ്ഥാമാക്കിയതിന്‌ ഞങ്ങളുടെ വർക്ക് ഫോഴ്സും, വിതരണ പങ്കാളികളും അതിരില്ലാത്ത അംഗീകാരം അർഹിക്കുന്നു.