വെഹിക്കിൾ സ്ക്രാപ്പേജ് പോളിസി 2024: നിങ്ങളുടെ അടുത്ത കാറിന് 20,000 രൂപ വരെ കിഴിവ് നേടൂ!

മലിനീകരണമുണ്ടാക്കുന്ന നിങ്ങളുടെ പഴയ കാർ സ്‌ക്രാപ്പ് ചെയ്‌താൽ കിഴിവ് നൽകാമെന്ന് കാർ നിർമ്മാതാക്കൾ സമ്മതിച്ചിട്ടുണ്ട്, എന്നാൽ ചില പ്രധാന വ്യവസ്ഥകളുണ്ട്. കൂടുതൽ അറിയാൻ വായിക്കൂ...

SIAM അടുത്തിടെ നടത്തിയ കൂടിക്കാഴ്ചയിൽ ഗതാഗത മന്ത്രി നിതിൻ ഗഡ്കരി, നിങ്ങളുടെ പഴയ കാർ സ്‌ക്രാപ്പ് ചെയ്‌താൽ പുതിയ കാർ വാങ്ങുന്നതിന് കിഴിവ് നൽകാമെന്ന് വാഹന നിർമ്മാതാക്കൾ സമ്മതിച്ചതായി അറിയിച്ചിരുന്നു.

എന്നാൽ വളരെയധികം ആവേശഭരിതരാകുന്നതിന് മുമ്പ്, അറിഞ്ഞിരിക്കേണ്ട ചില കാര്യങ്ങൾ ഇതാ:

1. വാർത്താ റിപ്പോർട്ടുകൾ പ്രകാരം, വാഹനത്തിൻ്റെ എക്‌സ്-ഷോറൂം വിലയുടെ 1.5% അല്ലെങ്കിൽ സ്‌ക്രാപ്പ് ചെയ്‌ത വാഹനത്തിന് 20,000 രൂപ ഏതാണോ കുറവ് അതനുസരിച്ചായിരിക്കും.  

2. കഴിഞ്ഞ 6 മാസത്തിനുള്ളിൽ വാഹനം സ്‌ക്രാപ്പ് ചെയ്‌തിരിക്കണം. ഇതിലും നേരത്തെ സ്‌ക്രാപ്പ്  ചെയ്തിട്ടുണ്ടെങ്കിൽ, നിങ്ങൾക്ക് കിഴിവിന് അർഹതയുണ്ടായിരിക്കില്ല.

3.  ഓഫർ 1 വർഷത്തെ പരിമിത കാലയളവിലേക്ക് മാത്രമേ സാധുതയുള്ളൂ. എന്നിരുന്നാലും, കാർ നിർമ്മാതാക്കൾക്ക് അനുയോജ്യമെന്ന് തോന്നുന്ന രീതിയിൽ ഓഫർ നീട്ടാനോ പരിഷ്ക്കരിക്കാനോ തീരുമാനിച്ചേക്കാം.

4. മാരുതി സുസുക്കി, ടാറ്റ, മഹീന്ദ്ര, ഹ്യുണ്ടായ്, കിയ, ഹോണ്ട, ടൊയോട്ട, VW, സ്കോഡ, MG തുടങ്ങിയ വാഹന നിർമ്മാതാക്കൾ ഈ കിഴിവുകൾ വാഗ്ദാനം ചെയ്തിട്ടുണ്ടെന്ന് റിപ്പോർട്ടുകൾ സൂചിപ്പിക്കുന്നുണ്ടെങ്കിലും, ഈ ബ്രാൻഡുകളിൽ നിന്നുള്ള ഔദ്യോഗിക സ്ഥിരീകരണത്തിനായി ഞങ്ങൾ ഇപ്പോഴും കാത്തിരിക്കുകയാണ്.

5. മെഴ്‌സിഡസ്-ബെൻസ് 25,000 രൂപയുടെ ഫ്ലാറ്റ് ഡിസ്‌കൗണ്ട് സമ്മതിച്ചതായി റിപ്പോർട്ടുണ്ട്, ഇത് നേരത്തെ സൂചിപ്പിച്ച പരമാവധി കിഴിവ് 20,000 രൂപയയ്ക്ക് പുറമേയായിരിക്കും.

നിങ്ങളുടെ പഴയ കാർ സ്‌ക്രാപ്പ് ചെയ്യുന്നതിന് മറ്റ് ചില പ്രോത്സാഹനങ്ങളും ഉണ്ട്:

• സ്ക്രാപ്പിംഗ് സെൻ്ററുകൾ നൽകുന്ന സ്ക്രാപ്പ് മൂല്യം: നിങ്ങൾക്ക് ഒരു പുതിയ വാഹനത്തിൻ്റെ എക്സ്-ഷോറൂം വിലയുടെ 4 മുതൽ 6% വരെ ലഭിക്കും.

• പുതിയ കാറുകളുടെ വാഹന രജിസ്ട്രേഷൻ ഫീസ് ഒഴിവാക്കും.

• സംസ്ഥാന സർക്കാരുകൾ മോട്ടോർ വാഹന നികുതിയിൽ 25% വരെ ഇളവുകൾ നൽകുമെന്ന് പ്രതീക്ഷിക്കുന്നു.

എന്നാൽ, ഈ സ്ക്രാപ്പേജ് ആനുകൂല്യങ്ങൾ 15 വർഷത്തിലധികം പഴക്കമുള്ള സ്വകാര്യ വാഹനങ്ങൾക്ക് മാത്രമേ ലഭ്യമാകൂ. നിങ്ങളുടെ കാർ 15 വർഷത്തിന് ശേഷവും നിലനിർത്താൻ ആഗ്രഹിക്കുന്നുവെങ്കിൽ, അത് നിർബന്ധിത ഫിറ്റ്നസ് പരിശോധനയ്ക്ക് വിധേയമാക്കേണ്ടതുണ്ട്. നിങ്ങളുടെ വാഹനം പരിശോധനയിൽ പരാജയപ്പെട്ടാൽ, ആവശ്യമായ അറ്റകുറ്റപ്പണികൾ നടത്തിയതിന് ശേഷം നിങ്ങൾക്ക് വീണ്ടും ഒരു ടെസ്റ്റ് നല്കാന് അനുവദിക്കും, പരാജയപ്പെട്ടാൽ വാഹനം സ്ക്രാപ്പ് ചെയ്യണം.

ഇതും വായിക്കൂ: പുതിയ കാർ വാങ്ങുന്ന കാര്യം ആലോചിക്കുന്നുണ്ടോ? നിങ്ങളുടെ പഴയത് സ്‌ക്രാപ്പ് ചെയ്യുന്നതിൻ്റെ ആനുകൂല്യങ്ങൾ എന്തെല്ലാമാണെന്ന് കാണൂ

കാർദേഖോ ഇന്ത്യ (@cardekhoindia) പങ്കിട്ട ഒരു പോസ്റ്റ്

എന്താണ് വെഹിക്കിൾ സ്ക്രാപ്പേജ് പോളിസി 

2021 ഓഗസ്റ്റിൽ, പഴയതും അനുയോജ്യമല്ലാത്തതുമായ വാഹനങ്ങൾ നിരത്തുകളിൽ നിന്ന് ഘട്ടംഘട്ടമായി ഒഴിവാക്കാനുള്ള ഒരു സംരംഭം ഇന്ത്യൻ സർക്കാർ പ്രഖ്യാപിച്ചു. റോഡിൽ വൃത്തിയുള്ളതും സുരക്ഷിതവുമായ വാഹനങ്ങളുള്ള ഒരു ഇക്കോസിസ്റ്റം ക്രമേണ വികസിപ്പിക്കുക എന്നതായിരുന്നു ഈ നയത്തിന് പിന്നിലെ ആശയം. വോളണ്ടറി വെഹിക്കിൾ-ഫ്ലീറ്റ് മോഡേണൈസേഷൻ പ്രോഗ്രാമിനെക്കുറിച്ചുള്ള ഹാൻഡ്ബുക്കിലെ വിവരങ്ങൾ അനുസരിച്ച്, നയം ഇനിപ്പറയുന്ന ലക്ഷ്യങ്ങൾ കൈവരിക്കാൻ ലക്ഷ്യമിടുന്നു:

• നമ്മുടെ 'കാർബൺ രഹിത രാഷ്ട്രം' എന്ന ലക്ഷ്യം വിജയകരമാക്കാൻ സഹായിക്കുന്നതിന്,പരിസ്ഥിതിയ്ക്ക്  അനുയോജ്യമല്ലാത്ത കാറുകൾ സ്‌ക്രാപ്പ് ചെയ്യുന്നത് വായു മലിനീകരണം 15-20% കുറയ്ക്കാൻ സഹായിക്കും.

• സ്‌ക്രാപ്പിംഗ് സെൻ്ററുകളിൽ കൂടുതൽ തൊഴിലവസരങ്ങൾ സൃഷ്ടിക്കപ്പെടും, അതുവഴി കൂടുതൽ തൊഴിലുകളും സൃഷ്ടിക്കപ്പെടുന്നു.

• സുരക്ഷാ മാനദണ്ഡങ്ങൾ കർശനമാകുന്നതോടെ പുതിയ വാഹനങ്ങൾ പൊതുവെ സുരക്ഷിതമായിരിക്കും.

• സമ്പദ്‌വ്യവസ്ഥയ്ക്ക് ഗുണം ചെയ്യുന്ന പുതിയ വാഹനങ്ങൾക്ക് കൂടുതൽ ആവശ്യകത സൃഷ്ടിക്കാൻ ഇത് സഹായിക്കും.

• പുതിയ വാഹനങ്ങൾ ആധുനിക എമിഷൻ മാനദണ്ഡങ്ങൾ പാലിക്കുന്നതിനാൽ, അവ മലിനീകരണം കുറയ്ക്കും.

വാർത്താ റിപ്പോർട്ട് അനുസരിച്ച് വാഹന നിർമ്മാതാക്കൾ നൽകുന്ന പ്രോത്സാഹനങ്ങളെക്കുറിച്ച് നിങ്ങൾക്ക് എന്ത് തോന്നുന്നു? ചുവടെയുള്ള കമന്റുകളിലോടെ ഞങ്ങളെ അറിയിക്കൂ.

ഇതും വായിക്കൂ: പുതിയ MG ആസ്റ്റർ (ZS) അന്താരാഷ്ട്ര വിപണിയിൽ പ്രദർഷിപ്പിച്ചു, ഇന്ത്യ-സ്പെക്ക് മോഡലിനായുള്ള അപ്‌ഡേറ്റ് പ്രിവ്യൂ ചെയ്യാൻ കഴിയും

ഏറ്റവും പുതിയ എല്ലാ ഓട്ടോമോട്ടീവ് അപ്‌ഡേറ്റുകൾക്കുമായി കാർദേഖോയുടെ വാട്സ്ആപ് ചാനൽ ഫോളോ ചെയ്യൂ.