മെഡുലൻസുമായി സഹകരിച്ച് കാർദേഖോ ഗ്രൂപ്പ് അടിയന്തര മെഡിക്കൽ സേവനങ്ങൾ നൽകാനൊരുങ്ങുന്നു

കാർദേഖോ ഗ്രൂപ്പിന്റെ CEO-യും സഹസ്ഥാപകനുമായ അമിത് ജെയിൻ, ഒപ്പം പുതിയ ഷാർക്കും കമ്പനിയുടെ അഞ്ച് ശതമാനം ഓഹരിക്ക് പകരമായി മെഡുലൻസിൽ 5 കോടി രൂപ നിക്ഷേപിച്ചു.

കാർദേഖോ ഗ്രൂപ്പ് ഇപ്പോൾ മെഡുലൻസ് തങ്ങളുടെ ആപ്പിലും വെബ്സൈറ്റിലും സംയോജിപ്പിച്ചിരിക്കുന്നു. ആളുകൾക്ക് മെഡിക്കൽ എമർജൻസി സേവനങ്ങൾ നൽകുക എന്നതാണ് ലക്ഷ്യം. ഷാർക്ക് ടാങ്ക് TV ഷോയിൽ ആശയം ഉരുത്തിരിഞ്ഞുവന്ന, ഇന്ത്യയിൾ ഉള്ള GPS പ്രവർത്തനക്ഷമമായ ആംബുലൻസ് സേവന ദാതാക്കളാണ് മെഡുലൻസ്. ഞങ്ങളുടെ CEO-യും സഹസ്ഥാപകനുമായ അമിത് ജെയിൻ കരാർ ഉണ്ടാക്കിയിട്ടുള്ളത് കമ്പനിയുടെ 5 ശതമാനത്തിന് പകരമായി 5 കോടി രൂപ നിക്ഷേപിച്ചുകൊണ്ടാണ്.

കാർദേഖോയുടെ ആപ്പിലും വെബ്‌സൈറ്റിലും മെഡുലൻസ് സേവനം ഇന്റർലിങ്ക് ചെയ്യുന്നതിലൂടെ ലക്ഷ്യംവെക്കുന്നത് ഇന്ത്യയിൽ റോഡപകട മരണങ്ങളുടെ എണ്ണം കുറയ്ക്കാൻ സഹായിക്കലാണ്. മൊബൈൽ ആപ്പ് മുഖേന ആർക്കും അത്യാവശ്യ സന്ദർഭങ്ങളിൽ ആംബുലൻസ് ബുക്ക് ചെയ്യാനോ വിളിക്കാനോ കഴിയും. നിങ്ങളുടെ സ്‌മാർട്ട്‌ഫോണിൽ ക്യാബ് സേവനങ്ങൾ ബുക്ക് ചെയ്യുന്ന അതേ രീതിയിലാണ് ഇതും പ്രവർത്തിക്കുന്നത്.

ഇതും വായിക്കുക: ടാറ്റ നാനോക്കൊപ്പമുള്ള ഈ വൈറൽ അപകടത്തിൽ മഹീന്ദ്ര ഥാർ മറിഞ്ഞത് എന്തുകൊണ്ടാണെന്ന് കാണൂ

മെഡുലൻസ് ആംബുലൻസ് സേവനം ഇന്ത്യയിലെ 500 നഗരങ്ങളിൽ ഇതിനകം നിലവിലുണ്ട്. കാർദേഖോ ഗ്രൂപ്പ് CEO-യും സഹസ്ഥാപകനുമായ അമിത് ജെയിൻ പങ്കാളിത്തത്തെക്കുറിച്ച് അഭിപ്രായപ്പെട്ടുകൊണ്ട് പറയുന്നു; “ഓരോ വർഷവും റോഡപകടങ്ങൾ മൂലം ഏറ്റവും കൂടുതൽ മരണങ്ങൾ റിപ്പോർട്ട് ചെയ്യുന്ന സ്ഥലങ്ങളിലൊന്നാണ് ഇന്ത്യ. മഹത്തായ ജീവിതങ്ങൾ ഇതിലൂടെ നഷ്ടപ്പെടുന്നു. പരിക്കേറ്റവർക്ക് കൃത്യസമയത്ത് വൈദ്യസഹായം ലഭ്യമാക്കുകയാണെങ്കിൽ ഇതിൽ പകുതിയോളം ജീവൻ രക്ഷിക്കാനായേക്കും, ഈ വിടവ് നികത്തുന്നതിൽ മെഡുലൻസ് ഒരു പ്രധാന പങ്ക് വഹിക്കുന്നു. ഉത്തരവാദിത്തബോധമുള്ള ഒരു ഗ്രൂപ്പ് എന്ന നിലയിൽ കാർദേഖോ ഇതിന്റെ മൊബൈൽ ആപ്പിലും വെബ്‌സൈറ്റിലും മെഡുലൻസ് സംയോജിപ്പിച്ചിരിക്കുന്നു, ഒപ്പം ജീവൻ രക്ഷിക്കാൻ സഹായിക്കുന്ന ഒരു സേവനത്തെക്കുറിച്ച് അവബോധം സൃഷ്ടിക്കാൻ സഹായിക്കുന്നതിൽ തങ്ങളുടേതായ പങ്ക് വഹിക്കുകയും ചെയ്യുന്നു.

കൂടുതൽ വിവരങ്ങൾക്കായി അറിയിപ്പിന്റെ പൂർണ്ണരൂപം ഇതാ:

60 ദശലക്ഷം സന്ദർശകർക്ക് അടിയന്തര മെഡിക്കൽ സേവനങ്ങൾ നൽകുന്നതിനായി കാർദേഖോ തങ്ങളുടെ പ്ലാറ്റ്‌ഫോമുകളിൽ മെഡുലൻസ് ചേർക്കുന്നു

മുംബൈ, 22 ജനുവരി 2023: വേഗത്തിലുള്ള വൈദ്യപരിചരണം നൽകി ആളുകൾക്ക് സഹായമെത്തിക്കാൻ ലക്ഷ്യമിട്ട്, കാർദേഖോ തങ്ങളുടെ മൊബൈൽ ആപ്പിലും വെബ്‌സൈറ്റിലും ആംബുലൻസ് സേവന ദാതാക്കളായ മെഡുലൻസ് ഉൾപ്പെടുത്തി. ഷാർക്ക് ടാങ്ക് ഇന്ത്യ ഷോയിലെ പുതിയ ഷാർക്ക് ആയ അമിത് ജെയിൻ, കാർദേഖോയിൽ സാമ്പത്തിക ഇടപാടുകളൊന്നുമില്ലാതെ വേഗത്തിലുള്ള ആംബുലൻസ് സേവനങ്ങൾ സാധ്യമാക്കുന്ന GPS അധിഷ്ഠിത പ്ലാറ്റ്‌ഫോമായ മെഡുലൻസ്, ഷോയിൽ ആണ് ഈ ബിസിനസ് അവതരിപ്പിച്ചത്, ചേർക്കാൻ തീരുമാനിച്ചു. ഇന്ത്യയിലെ ഏറ്റവും വലിയ ഓട്ടോ ടെക് കമ്പനിയായ കാർദേഖോ ഗ്രൂപ്പിന്റെ സഹസ്ഥാപകനും CEO-യുമായ അമിത് ജെയിൻ ഇത് ചെയ്യുന്നത് അടിയന്തര പ്രഥമ പരിചരണ സേവനത്തിന്റെ ലഭ്യത വിപുലീകരിക്കാനും റോഡപകട മരണങ്ങളുടെ എണ്ണം കുറയ്ക്കാനും സഹായിക്കുക എന്ന ലക്ഷ്യത്തോടെയാണ്. ഷാർക്ക് ടാങ്ക് ഇന്ത്യയുടെ ചരിത്രത്തിലെ ഏറ്റവും വലിയ ഓഫറായ മെഡുലൻസിലെ  5% ഇക്വിറ്റിക്ക് 5 കോടി രൂപ എന്ന ഓഫർ നൽകിയതിനു പിന്നാലെയാണ് അമിത് ജെയിൻ ഈ ഓഫർ നടത്തിയത്.

കാർദേഖോ ആപ്പിലും വെബ്‌സൈറ്റിലും മെഡുലൻസ് സൗജന്യമായി സംയോജിപ്പിച്ചതോടെ, അപകടമുണ്ടായാൽ ആപ്പിൽ നിന്നും വെബ്‌സൈറ്റിൽ നിന്നും ആംബുലൻസിനായി വിളിക്കാൻ ഉപയോക്താക്കൾക്ക് സാധിക്കും. ഉദ്ദേശ്യം അടിസ്ഥാനമാക്കിയുള്ള ബിസിനസ്സുകൾ പിന്തുണയ്ക്കുന്ന അമിത് ജെയിനിന്റെ കാഴ്ചപ്പാടിന്റെ ഭാഗമാണിത്, ഇന്ത്യയിൽ റോഡപകട മരണങ്ങൾ തടയാൻ ഇതിലൂടെ ശ്രമിക്കും.

വേഗതത്തിലുള്ളതും വിശ്വസനീയവുമായ ഫസ്റ്റ്-പോയിന്റ് വൈദ്യസഹായം പ്രാപ്തമാക്കുന്ന, ഇതിനകം 500 നഗരങ്ങളിൽ നിലവിലുള്ള ഇന്ത്യയിലെ ആദ്യത്തെ GPS-അധിഷ്ഠിത സാങ്കേതിക പ്ലാറ്റ്‌ഫോമാണ് മെഡുലൻസ്. 2017-ൽ ആരംഭിച്ച മെഡുലൻസ് ഈ കാലത്ത് ഭക്ഷണമോ ടാക്സികളോ കണ്ടെത്തുന്നത് പോലെ ആംബുലൻസ് ലഭിക്കുന്നതും എളുപ്പമാക്കാനാണ് ലക്ഷ്യമിടുന്നത്. ഇതൊരു സംയോജിത എമർജൻസി പ്രതികരണ സഹായ ദാതാവാണ്, ആംബുലൻസ് ബുക്കിംഗ്, ട്രാക്കിംഗ് സിസ്റ്റം എന്നിവ ഫസ്റ്റ് പോയിന്റ് വൈദ്യസഹായം നൽകുന്നതിനാണ് ഡിസൈൻ ചെയ്‌തിരിക്കുന്നത്.

ഈ പങ്കാളിത്തത്തെക്കുറിച്ച് സംസാരിക്കുന്നതിനിടെ കാർദേഖോ ഗ്രൂപ്പ് CEO-യും സഹസ്ഥാപകനുമായ അമിത് ജെയിൻ പറയുന്നു, “ഓരോ വർഷവും റോഡപകടങ്ങൾ മൂലം ഏറ്റവും കൂടുതൽ മരണങ്ങൾ റിപ്പോർട്ട് ചെയ്യുന്ന സ്ഥലങ്ങളിലൊന്നാണ് ഇന്ത്യ, മഹത്തായ ജീവിതങ്ങൾ ഇതിലൂടെ നഷ്ടപ്പെടുന്നു. പരിക്കേറ്റവർക്ക് കൃത്യസമയത്ത് വൈദ്യസഹായം ലഭ്യമാക്കുകയാണെങ്കിൽ ഇതിൽ പകുതിയോളം ജീവൻ രക്ഷിക്കാനായേക്കും, ഈ വിടവ് നികത്തുന്നതിൽ മെഡുലാൻസ് ഒരു പ്രധാന പങ്ക് വഹിക്കുന്നു. ഉത്തരവാദിത്തബോധമുള്ള ഒരു ഗ്രൂപ്പ് എന്ന നിലയിൽ, കാർദേഖോ ഇതിന്റെ മൊബൈൽ ആപ്പിലും വെബ്സൈറ്റിലും മെഡുലൻസ് സംയോജിപ്പിച്ചിരിക്കുന്നു, ഒപ്പം ജീവൻ രക്ഷിക്കാൻ സഹായിക്കുന്ന ഒരു സേവനത്തെക്കുറിച്ച് അവബോധം സൃഷ്ടിക്കാൻ സഹായിക്കുന്നതിൽ തങ്ങളുടേതായ പങ്ക് വഹിക്കുകയും ചെയ്യുന്നു."

മെഡുലൻസ് CEO പ്രണവ് ബജാജ് പറയുന്നു, "അപകടമുണ്ടായാൽ നേരത്തെയുള്ള പ്രഥമ ശുശ്രൂഷയ്ക്കായി വിളിക്കാൻ ആളുകളെ സഹായിക്കുക എന്ന ലക്ഷ്യത്തോടെയാണ് മെഡുലൻസ് ആരംഭിച്ചത്. ഞങ്ങളുടെ പ്രയത്‌നങ്ങൾ ഇതുവരെ നൂറുകണക്കിന് ജീവനുകൾ രക്ഷിച്ചിട്ടുണ്ട്, ഷാർക്ക് അമിത് ജെയ്‌നിന്റെ ഈ സാമൂഹിക നടപടി മെഡുലൻസിന്റെ ലഭ്യത വർദ്ധിപ്പിക്കും. ആംബുലൻസുകളുടെ സമയോചിതമായ ലഭ്യത സാധ്യമാക്കുകയും ജീവനുകൾ നഷ്ടപ്പെടുന്നത് തടയുകയും ചെയ്യും."

ഷാർക്ക് ടാങ്ക് ഇന്ത്യ 2.0 സാമൂഹിക അസമത്വങ്ങളോട് പോരാടുന്ന, തങ്ങളുടെ ബിസിനസുകളിലൂടെ പ്രശ്നങ്ങൾ പരിഹരിക്കുന്നതിൽ താൽപ്പര്യം കാണിക്കുന്ന സംരംഭകരുടെ വർദ്ധിച്ച പങ്കാളിത്തത്തിന് സാക്ഷ്യം വഹിക്കുകയാണ് ചെയ്യുന്നത്. ലാഭത്തിനപ്പുറമുള്ള കാര്യങ്ങൾ കണ്ട്, ഇന്ത്യയെ മുന്നോട്ട് കൊണ്ടുപോകാൻ സഹായിക്കുന്ന ബിസിനസുകളിൽ നിക്ഷേപം നടത്തി ഇത്തരം സംരംഭങ്ങളെ പ്രോത്സാഹിപ്പിക്കുന്നതിൽ അമിത് ജെയിൻ എന്നും മുൻപന്തിയിലാണ്.