Honda BRV

 BR-V യെ എസ്‌യുവി എന്നാണ് ഹോണ്ട വിളിക്കുന്നത്. എന്നാൽ എംപിവി എന്ന പേര് ചേരുന്ന ചില ഡിസൈൻ ഘടകങ്ങളും BR-V യിൽ ഉണ്ട്. എന്നാൽ കുറച്ച് ചെറിയ കാർ ആണെന്ന് പറയേണ്ടി വരും. ആദ്യമായി കാണുന്നവർക്ക് ചില കാര്യങ്ങളിൽ അത്ഭുതം തോന്നാം. 

ഈ സെഗ്മെന്റിലെ തന്നെ നീളമുള്ള കേറാണ് BR-V. എന്നാൽ വീതി അത്രയ്ക്ക് ഇല്ല. ഉദാഹരണമായി ഡസ്റ്ററിന് 87എംഎം വീതിയുണ്ട്. സാധാരണ എസ്‌യുവികളുടെ മുഖഭാവമായ ബുച്ച് സ്റ്റൈൽ ഈ കാറിനില്ല. എന്നാൽ എസ്‌യുവി പോലുള്ള മാറ്റ് ഫിനിഷുള്ള ബ്ലാക്ക് ക്ലാഡിങ്,റൂഫ് റയിലുകൾ എന്നിവയുണ്ട്. 16-ഇഞ്ച് അലോയ് വീലുകളിൽ മൊബിലിയോ RS മോഡലിലെ പോലുള്ള ഫിനിഷ് നൽകിയിരിക്കുന്നു. പ്രത്യേകിച്ച് നോക്കിയാൽ വലുപ്പം തോന്നുമെങ്കിലും സൈഡിൽ നിന്ന് നോക്കുമ്പോൾ ഇവ ചെറുതായി തോന്നും.    

മുന്നിൽ നിന്ന് നോക്കുമ്പോഴുള്ള വ്യൂ ആണ് ഞങ്ങൾക്ക് BR-Vയിൽ ഇഷ്ടപെട്ടത്. അക്കോർഡ് പോലുള്ള മുഖം, വലിയ പ്രൊജക്ടർ ഹെഡ്‍ലാംപുകൾ, LED ലൈറ്റ് ഗൈഡുകൾ, മാറ്റ്-സിൽവർ സ്കിഡ് എന്നിവ ഈ കോംപാക്ട്  എസ്‌ യു വിയെ പ്രിയങ്കരമാക്കുന്നു. ബോണറ്റിലും ഫോഗ് ലാമ്പിന് ചുറ്റും ഉള്ള ക്രീസുകൾ ഈ കാറിന് കൂടുതൽ പരുക്കൻ ലുക്ക് നൽകുന്നു. 

വശങ്ങളിൽ നിന്ന് നോക്കിയാൽ മിനി-വാൻ പോലെയാണ് തോന്നുക. പൊതിഞ്ഞ ടെയിൽ ലൈറ്റുകൾ, ബൂട്ടിന്റെ നീളത്തിൽ ഉള്ള വലിയ റിഫ്ലക്ടർ സ്ട്രിപ്പ് എന്നിവയുണ്ട്. നമ്പർ പ്ലേറ്റിന് മുകളിൽ ഉള്ള ചെറിയ ക്രോം സ്ട്രിപ്പും സ്കിഡ് പ്ലേറ്റും ഒഴിച്ച് കാര്യമായ ഒന്നും റിയർ സെക്ഷനെക്കുറിച്ച് പറയാനില്ല. 

ചുരുക്കി പറഞ്ഞാൽ റെനോ ഡസ്റ്റർ പോലെ സ്റ്റൈലിംഗ്, പൗരുഷമുള്ളതും ബുച്ച് രൂപമുള്ളതും അല്ല. ക്രെറ്റയെ പോലെ ക്ലീൻ ലുക്കും ഇല്ല. രണ്ടിനും ഇടയിലാണ് BR-V യുടെ സ്ഥാനം. ചില ആംഗിളുകളിൽ ലുക്ക് മികച്ചതാണെങ്കിലും സൈഡിൽ നിന്ന് നോക്കുമ്പോൾ പലയിടത്തും മൊബിലിയോയെ ഓർമിപ്പിക്കുന്നു. 

ഹോണ്ട സിറ്റിയുടെ ആകർഷകമായ ഇന്റീരിയറിന്റെ ചില ഘടകങ്ങൾ ഇതിന്റെ ക്യാബിനിലും പിന്തുടർന്നിരിക്കുന്നു. മുഴുവൻ ബ്ലാക്ക് ആയ ലേഔട്ട്, സ്പോർട്ടിയും ക്ലാസ്സിയും ആയ ഇന്റീരിയർ എന്നിവ കാണാം. എന്നാൽ ചില ഉപഭോക്താക്കൾ ബെയ്ജ് നിറം ആഗ്രഹിക്കാം. പിയാനോ-ബ്ലാക്ക് സെന്റർ കൺസോൾ. മങ്ങിയ സിൽവർ അക്‌സെന്റുകൾ എന്നിവ പ്രീമിയം ടച്ച് നൽകുന്നുണ്ട്. 

പുറം കാഴ്ച്ചയിൽ BR-V മൊബിലിയോയുടെ ഡിസൈൻ കുറച്ച് ഉപേക്ഷിച്ചിട്ടുണ്ടെങ്കിലും അകത്ത് അതെ ചീപ്പ് ലുക്കും ഫിനിഷുമാണ് കാണാൻ സാധിക്കുക. വിപണിയിലെ മത്സരം നോക്കുമ്പോൾ ഒരുപാട് മാറ്റങ്ങൾ ഇനിയും വരുത്തേണ്ടതുണ്ട്. ടോപ് വേരിയന്റിൽ ലെതർ അപ്ഹോൾസ്റ്ററി നൽകിയിട്ടുണ്ട്. സ്റ്റിയറിങ് വീലിലും ലെതർ പൊതിഞ്ഞിരിക്കുന്നു. ഗിയർ നോബ്, ഡോർ ആം റെസ്റ്റ് എന്നിവിടങ്ങളിലും ലെതർ ടച്ച് കാണാം. 7 സീറ്റുകളിലും അഡ്ജസ്റ്റ് ചെയ്യാവുന്ന ഹെഡ് റെസ്റ്റുകളും ടോപ് മോഡലിൽ നൽകിയിട്ടുണ്ട്. 

ഹോണ്ടയുടെ” മനുഷ്യൻ അധികം, യന്ത്രം കുറവ്” ചിന്ത മൂലമുള്ള വലുപ്പമേറിയ സ്പേസ്, കമ്പനിയുടെ കാറുകൾക്ക് പ്രത്യേക ജനപ്രീതി  നേടി കൊടുത്തിട്ടുണ്ട്. സെഡാനുകളെ പോലും നാണിപ്പിക്കുന്ന വിധത്തിൽ ഹാച്ച്ബാക്കായ ജാസ് മോഡലിൽ പോലും അധിക സ്പേസ് നൽകിയിട്ടുണ്ട്. മൂന്ന് നിര സീറ്റുകളിലും സൗകര്യപൂർവ്വമായ യാത്ര ഉറപ്പാക്കാം. കുറച്ച് തടിച്ച ഇന്ത്യൻ ശരീര പ്രകൃതക്കാർക്ക് പോലും ഈ സീറ്റുകൾ സൗകര്യപ്രദമാണ്. രണ്ടാം നിര സീറ്റുകളിൽ ആറടി ഉയരക്കാർക്ക് പോലും സുഖമായി ഇരിക്കാം. സീറ്റിന്റെ മെറ്റീരിയൽ നീണ്ട നേരം പോകേണ്ട യാത്രകളിൽ സഹായകരമാകും. എന്നാൽ ചെറിയ സിറ്റി ഡ്രൈവിൽ കുറച്ച് ബുദ്ധിമുട്ട് അനുഭവപ്പെടാം. 

ലെഗ് റൂമും ഹെഡ് റൂമും പ്രശംസയ്ക്ക് അർഹമാണ്. എന്നാൽ തുടകളുടെ സപ്പോർട്ടിന് പാകമല്ല ചെറിയ സീറ്റ് ബേസ്. രണ്ടാം നിര സീറ്റുകളിൽ 3 യാത്രക്കാർക്ക് ഒരുമിച്ച് സുഖകരമായി ഇരിക്കാൻ കഴിയില്ല. എസ്-ക്രോസ് ഇക്കാര്യത്തിൽ കൂടുതൽ മികച്ചതാണ്. മൂന്നാം നിര സീറ്റുകളിലും ഹെഡ് റൂം ആവശ്യത്തിനുണ്ട്.  പക്ഷെ മുട്ട് പൊക്കി വച്ച് ഇരിക്കേണ്ടി വരും. തുടകൾക്കും വേണ്ടത്ര സപ്പോർട്ട് ഇല്ല. കുട്ടികൾക്കാണ് ഈ സ്ഥലം കൂടുതൽ യോജിക്കുക. മുതിർന്നവർക്ക് ചെറിയ യാത്രകളിൽ ഇവിടെ ഇരിക്കാം. 

എല്ലാ സീറ്റുകളും ഉപയോഗത്തിൽ ഉള്ളപ്പോൾ ബൂട്ട് സ്പേസ് 223 ലിറ്ററാണ്. മൂന്നാം നിര സീറ്റുകൾ മടക്കി വച്ചാൽ ബൂട്ട് സ്പേസ് 691 ലിറ്ററായി കൂടും. BR-V വലിയ കുടുംബത്തിന്റെ ആഗ്രഹങ്ങൾക്ക് പ്രാധാന്യം നൽകിയിട്ടുണ്ട്. എന്നാൽ ഉപഭോക്താവിന്റെ അമിത ആഗ്രഹങ്ങൾ അവഗണിച്ചിട്ടുണ്ട്. കീലെസ് എൻട്രി,ഓട്ടോമാറ്റിക് ക്ലൈമറ്റ് കണ്ട്രോൾ,റൂഫ് മൌണ്ട് ചെയ്ത റിയർ എ സി വെന്റുകൾ എന്നിവ നൽകിയിട്ടുണ്ട്. എന്നാൽ മ്യൂസിക് സിസ്റ്റം ബ്രയോ മോഡലിൽ പോലും വയ്ക്കാൻ പറ്റുന്ന ഫീച്ചറുകൾ ഉള്ളതല്ല. 

4.4-മീറ്റർ നീളമുള്ള കാറിൽ ഒരു റിയർ വ്യൂ ക്യാമറയോ കുറഞ്ഞത് റിയർ പാർക്കിംഗ് സെൻസറുകൾ എങ്കിലും നമ്മൾ പ്രതീക്ഷിക്കും. എന്നാൽ ഇവിടെ മൂന്ന് നിര സീറ്റുകൾ ഉള്ള കാറിൽ ഒരു 12V ഹർജിങ് സോക്കറ്റ് മാത്രമാണ് നൽകിയിരിക്കുന്നത്. അതും മുൻപിലെ സീറ്റുകൾക്ക് അടുത്ത്!  

സേഫ്റ്റി രംഗത്ത് മികച്ച മത്സരം BRV കാഴ്ച വയ്ക്കുന്നുണ്ട്. മുതിർന്ന യാത്രക്കാരുടെ സേഫ്റ്റി പരിശോധിക്കുന്ന AOP ടെസ്റ്റിൽ 5 സ്റ്റാറും, കുട്ടികളുടെ സേഫ്റ്റി പരിശോധിക്കുന്ന COP ടെസ്റ്റിൽ 4 സ്റ്റാർ റേറ്റിങ്ങും നേടിയിട്ടുണ്ട്. ASEAN NCAP നടത്തുന്ന ടെസ്റ്റുകളാണ് ഇവയെല്ലാം. 

ഡ്യുവൽ ഫ്രന്റ് എയർ ബാഗുകൾ സ്റ്റാൻഡേർഡ് ആയി നൽകിയിരിക്കുന്നു. എബിഎസ്, ബേസ് വേരിയന്റ് ഒഴിച്ച് മുകളിലേക്ക് എല്ലാ മോഡലുകളിലും നൽകിയിട്ടുണ്ട്. ഡ്രൈവർ സീറ്റ് ബെൽറ്റ് റിമൈൻഡർ. സെക്യൂരിറ്റി അലാം,ഇമ്പാക്ട് സെൻസിംഗ് ഡോർ അൺ ലോക്ക് എന്നിവ എല്ലാ വേരിയന്റിലും നൽകിയിരിക്കുന്നു.

ഹോണ്ട BR-V രണ്ട് ഓപ്ഷനുകളിൽ ലഭ്യമാണ്. രണ്ടും ഹോണ്ട സിറ്റിയുടെ എൻജിനിൽ നിന്ന് കടംകൊണ്ടവയാണ്.  മികച്ച പ്രകടനം കാഴ്ചവയ്ക്കുന്നതിൽ ചരിത്രം സൃഷ്ടിച്ചവയാണ് ഈ എൻജിനുകൾ.

1.5-ലിറ്റർ i-VTEC (പെട്രോൾ) 

ഈ സെഗ്മെന്റിലെ ഏറ്റവും ഉൽകൃഷ്ടമായ പെട്രോൾ എൻജിനാണ് ഇത്. ഉയർന്ന വേഗത്തിലേക്ക് എത്താനും അവിടെ തന്നെ തുടരാനുമാണ് ഈ എൻജിൻ ഇഷ്ടപ്പെടുന്നത്.  പുതിയ 6-സ്പീഡ് ഗിയർ ബോക്സ് ഉപയോഗം വളരെ ആന്ദകരമാണ്. എല്ലാ പെട്രോൾ മോഡൽ ഹോണ്ട കാറുകൾ പോലെ തന്നെ ഇവിടെയും ലൈറ്റ് ക്ലച്ച് ആണ്. പവർ ഡെലിവറി ഒരേ നിരയിലുമാണ്. BR-V യുടെ വെയ്റ്റ് വച്ച് നോക്കുമ്പോൾ എത്ര മികച്ച രീതിയിലാണ് ഹോണ്ട ഈ കാറിന്റെ എൻജിനും ഗിയർ ബോക്‌സും ഒരുക്കിയിരിക്കുന്നതെന്ന് മനസിലാകും.

ഈ പെട്രോൾ എൻജിനിൽ ഒരു ഓപ്ഷണൽ CVT ഓട്ടോമാറ്റിക് മോഡലും ഉണ്ട്. ചെറിയ പരിശ്രമം മതി ഈ ഓട്ടോമാറ്റിക്കിനെ ഓടിച്ച് നടക്കാൻ. എന്നാൽ ഉയർന്ന സ്പീഡിൽ കുറച്ച് കൂടുതൽ ശബ്ദം ഈ എൻജിൻ ഉണ്ടാക്കുന്നു. അതിനാൽ കൂടുതൽ വെയ്റ്റ് ആക്സിലറേഷൻ പെഡലിൽ നൽകാതിരിക്കുന്നതാണ് നല്ലത്. കൂടുതൽ വേഗതയിൽ പാഡിൽ ഷിഫ്റ്ററുകൾ ഉപയോഗിച്ച് ഗിയറുകൾ മാനുവലായി നിയന്ത്രിക്കാം. എൻജിന്റെ റെസ്പോൺസ് ഒട്ടും പരാതിക്ക് ഇടയാക്കുന്നില്ല.

1.5-ലിറ്റർ i-DTEC (ഡീസൽ)

ഡീസൽ  മോഡൽ BR-Vയുടെ മൊത്തം പാക്കേജിന് അനുയോജ്യമാണ്. NVH ലെവലുകൾ അമേസിനെ വച്ച് നോക്കുമ്പോൾ നിയന്ത്രണത്തിലാണ്. എന്നാലും 3000 rpm ന് മുകളിൽ എത്തുമ്പോൾ ചെറിയ ശബ്ദം അലോസരം ഉണ്ടാക്കും. ഇത് ക്യാബിനിനുള്ളിൽ എത്തുന്നില്ല എന്നതാണ് ആശ്വാസകരം. 1500rpm ൽ താഴെ എത്തുമ്പോൾ ടർബോ ലാഗ് അനുഭവപ്പെടുന്നുണ്ട്. പെട്രോൾ മോഡലിലെ പോലെ തന്നെ ലൈറ്റ് ക്ലച്ച് ആണ് ഡീസൽ മോഡലിലും നൽകിയിരിക്കുന്നത്. അതിനാൽ നിർത്തി നിർത്തി പോകേണ്ടി വരുന്ന ട്രാഫിക്കിലും ഇത് പ്രയാസം സൃഷ്ടിക്കില്ല.

ഏറ്റവും ആകർഷകമായ വസ്തുത ഹോണ്ട അവകാശപ്പെടുന്ന 21.9km/l ഇന്ധന ക്ഷമതയാണ്. ടെസ്റ്റ് ഡ്രൈവിൽ ഈ കണക്കിൽ എത്തിയില്ലെങ്കിലും ഒരിക്കലും 15km/l എന്ന നിലവാരത്തിന് താഴെ പോയില്ല. ഇത്രയും വലിയ ഒരു കാറിന് ഇത് മികച്ച മൈലേജ് ആണെന്നാണ് ഞങ്ങളുടെ അഭിപ്രായം. 

റൈഡ്, ഹാൻഡ്ലിങ് എന്നിവ 

BR-V ഒരു SUV പോലുള്ള കാറായി തോന്നുമെങ്കിലും ഡസ്റ്ററിനെ പോലെ പരുക്കൻ റോഡുകൾ അനായാസം മറികടക്കില്ല. ഇന്ത്യൻ റോഡുകളിലെ  ചെറിയ കുഴികളും മറ്റും BR-Vക്ക് ബുദ്ധിമുട്ട് ഉണ്ടാക്കില്ല. എല്ലാ ഹോണ്ട കാറുകൾ പോലെ തന്നെ കുറച്ച് മുറുക്കം ഉള്ള ഡ്രൈവിംഗ് ആണെങ്കിലും ചാട്ടവും കുലുക്കവും അത്ര അനുഭവപ്പെടില്ല.  210എംഎം ഗ്രൗണ്ട് ക്ലിയറൻസ് ആണ് ഉള്ളത്. അതിനാൽ തന്നെ സാധാരണ റോഡുകൾക്കാണ് ഈ കാർ അനുയോജ്യം. ഓഫ് റോഡ് ഡ്രൈവിങ്ങിന് ഇത് ചേരില്ല. 

ഹാൻഡ്ലിങ് വളരെ നല്ലതാണ്. എന്നാൽ ഏറ്റവും മികച്ചത് എന്ന് പറയാനാവില്ല. ഇത് മോണോകോക്‌ അടിസ്ഥനമാക്കിയ കാറാണ്. ലാഡർ ഫ്രെയിം അല്ല. അതിനാൽ ഇത് ഓരോ ഘട്ടത്തിലും എങ്ങനെ മുന്നോട്ട് പോകും എന്ന് നമുക്ക് പ്രവചിക്കാനാവും. സ്റ്റിയറിങ് വെയിറ്റും ഫീലും കൃത്യമാണ്. അർബൻ SUV എന്ന നിലയിൽ കുറഞ്ഞ സ്പീഡിൽ സ്റ്റിയറിങ് ലൈറ്റും, ഒരു വിരൽ ഉപയോഗിച്ച് നിയന്ത്രിക്കാൻ പറ്റുന്നതുമാണ്. കോംപാക്ട് എസ്‌യുവി എന്ന് പറയാനാവില്ല. കാരണം നീളം കൂടുതലായതിനാൽ  ടേണിങ് റേഡിയസ് കൂടുതലാണ്. യു ടേൺ എടുക്കുന്നതും ഒരു വലിയ ടാസ്ക് ആണ്. കോർണറുകളിൽ ആത്മവിശ്വാസത്തോടെ തിരിക്കാം. രണ്ടാമത്തെയും മൂന്നാമത്തെയും നിര സീറ്റുകളിൽ കുലുക്കം അനുഭവപ്പെടുന്നുണ്ട്. എന്നാൽ ചെറിയ ദൂര യാത്രകളിൽ ഇത് സഹിക്കാവുന്ന കുലുക്കമാണ്.

വിപണിയിലെ മത്സരത്തിൽ 7 സീറ്റർ ആണെന്നതാണ് BR-V യുടെ ഒരേ ഒരു ആകർഷണീയത.